ཆོས་དབྱིངས་སྐྱིད་ལ་ལོན་ཏོན་ཨོ་རྩལ་འགྲན་ཚོགས་སུ་ཟངས་ཀྱི་རྟགས་མ་ཐོབ་པ།

ཆོས་དབྱིངས་སྐྱིད་ལ་ལོན་ཏོན་ཨོ་རྩལ་འགྲན་ཚོགས་སུ་ཟངས་ཀྱི་རྟགས་མ་ཐོབ་པ།

          ཟླ8པའི་ཚེས12ཉིན་གྱི་སྔ་དྲོའི་ཆུ་ཚོད2ཀྱི་སྟེང་། 2012ལོའི་ལོན་ཏོན་ཨོ་རྩལ་འགྲན་ཚོགས་ཀྱི་བུད་མེད་ལུས་རྩལ་པ་དག་སྤྱི་ལེ20འདུར་རྒྱུག་བྱེད་པའི་འགྲན་བསྡུར་ཁྲོད་ཕ་ཡུལ་མཚོ་སྔོན་ནས་ཡིན་པའི་བོད་རིགས་བུ་མོ་ཆོས་དབྱིངས་སྐྱིད་ཀྱིས་ཨང་གསུམ་པ་སྟེ་ཟངས་ཀྱི་རྟགས་མ་བླངས་པ་ནས་ཨེ་ཤ་ཡའི་ལོ་རྒྱུས་ཀྱི་ཟིན་ཐོ་བསྐྲུན་ཡོད་པ་རེད། 

འདུར་རྒྱུག་འགྲན་བསྡུར་བྱེད་བཞིན་པ།

         ཆོས་དབྱིངས་སྐྱིད་ནི་མཚོ་སྔོན་ཞིང་ཆེན་མཚོ་བྱང་བོད་རིགས་རང་སྐྱོང་ཁུལ་གྱི་ཡིན་པ་དང་།  མཚོ་སྔོན་དགེ་ཐོན་སློབ་ཆེན་ལུས་རྩལ་སློབ་གླིང་གི2010ལོའི་ལུས་རྩལ་སློབ་གསོ་ཆེད་སྦྱོང་འཛིན་གྲྭའི་སློབ་མ་ཞིག་སྟེ་བྱང་ཚད་མཐོ་བའི་འདུར་རྒྱུག་ལུས་རྩལ་པ་ཞིག་ཡིན།   2010ལོའི་ཟླ7པར་རྒྱལ་ཁབ་རུ་ཁག་ཏུ་ཞུགས། 2010ལོའི་ཟླ9བར་རྒྱལ་ཁབ་ལུས་རྩལ་ཅུའུ་དང་། ཀྲུང་གོའི་མཆོང་རྒྱུག་མཐུན་ཚོགས། རྒྱལ་སྤྱིའི་མཆོང་རྒྱུག་མཉམ་འབྲེལ་ཚོགས་པ་བཅས་ཀྱིས་མཉམ་དུ་གཙོ་སྒྲུབ་བྱས་ནས་པེ་ཅིན་དུ་བསྡུས་པའི་རྒྱལ་སྤྱིའི་འདུར་རྒྱུག་འགྲན་ཚོགས་སམ་རྒྱལ་ཡོངས་འདུར་རྒྱུག་འགྲན་ཚོགས་ཀྱི་སྤྱི་ལེ20ལ་བགྲོད་པའི་བུད་མེད་དར་མ་རུ་ཁག་ཁྲོད་རྒྱལ་ནང་གི་ཨང་དང་པོ་བླངས་པ་རེད། ཁོ་མོ་ཨོ་རྩལ་འགྲན་ཚོགས་སྟེང་ཞུགས་པའི་ལོ་རྒྱུས་སྟེང་གི་བྱ་དགའི་རྟགས་མ་ལེན་མཁན་བོད་རིགས་ཨང་དང་པོ་ཡིན་ལ།   བོད་རིགས་བུད་མེད་འགྲན་ཞུགས་པ་དང་པོ་ཡང་ཡིན་ནོ།། 

བྱ་དགའ་ཨང་དང་པོ་དང་གཉིས་པ་ལེན་མཁན་ཨུ་རུ་སིའི་ལུས་རྩལ་པ་
གཉིས་དང་མཉམ་དུ་རྟགས་མ་ལེན་གྱིན་པའི་ཚུལ།