ངོས་དང་པོ > སྐབས་དོན། > སྣ་ཚོགས། > བོད་ལྗོངས་གོང་དཀར་རྫོང་འཇའ་ཚོན་སྣ་བདུན་པང་གདན་རིག་གནས་ཡུལ་སྐོར་དུས་ཆེན་སྤེལ།

བོད་ལྗོངས་གོང་དཀར་རྫོང་འཇའ་ཚོན་སྣ་བདུན་པང་གདན་རིག་གནས་ཡུལ་སྐོར་དུས་ཆེན་སྤེལ།

རྩོམ་པ་པོ།：བྱམས་པས་བསྒྱུར། ཡོང་ཁུངས།：ཀྲུང་གོའི་བོད་ལྗོངས་དྲ་བ། དུས་ཚོད།：2018-10-09 11:35:00 ཀློག་གྲངས།：

     ཉེ་ཆར། བོད་རང་སྐྱོང་ལྗོངས་གོང་དཀར་རྫོང་འཇའ་ཚོན་སྣ་བདུན་པང་གདན་རིག་གནས་ཡུལ་སྐོར་དུས་ཆེན་རྒྱལ་ཁའི་ངང་མཇུག་འགྲིལ། ཐེངས་འདིའི་འཇའ་ཚོན་སྣ་བདུན་པང་གདན་རིག་གནས་ཡུལ་སྐོར་དུས་ཆེན་ལ་ངོ་མཚར་ཆེ་ཞིང་ནང་དོན་ཕུན་སུམ་ཚོགས་པ་དང་། གྲུབ་འབྲས་གཡུར་དུ་ཟ་བ་བླངས།
     སྐབས་འདིའི་ཡུལ་སྐོར་དུས་ཆེན་ཐོག “2018ལོའི་འཛམ་གླིང་ཐོག་ཆེས་རིང་ཤོས་ཀྱི་འཇའ་ཚོན་སྣ་བདུན་པང་གདན་འཛམ་གླིང་གི་ཟིན་ཐོ་བདེན་དཔང་ར་སྤྲོད་”བྱེད་སྒོ་ནི་དོ་སྣང་བྱེད་གནས་གཙོ་བོ་ཞིག་ཏུ་གྱུར། ནས་ཀྱི་ཐོན་ལས་བཞུགས་མོལ་ཚོགས་འདུ་དང་མངོན་མིན་རིག་གནས་ཤུལ་བཞག་གྲུབ་འབྲས་འཁྲབ་སྟོན། པར་རིས་ཡིག་གཟུགས་བརྩམས་ཆོས་འགྲེམས་སྟོན། ཚོང་འགུགས་མ་འདྲེན་འོས་སྦྱོར་ཚོགས་འདུ། རིག་གནས་ཡུལ་སྐོར་སྣང་བརྙན་ཕོ་ཉ་གདམ་གསེས། ཡར་འབྲོག་གཡུ་མཚོའི“སྐར་ཚོགས་ཀྱིས་བརྒྱན་པའི་ནམ་མཁའ— མཚོ་གཙང་སྲུང་སྐྱོང”ཁོར་ཡུག་སྲུང་སྐྱོང་སྒེར་འཁོར་ཡུལ་སྐོར་བྱེད་པ་སོགས་ཀྱི་བྱེད་སྒོ་རབ་དང་རིམ་པ་སྤེལ་ནས། གོང་དཀར་རྫོང་གི་ཐུན་མིན་ཁྱད་ཆོས་ལྡན་པའི་རང་བྱུང་མཛེས་ལྗོངས་དང་ཕུན་སུམ་ཚོགས་པའི་ལོ་རྒྱུས་རིག་གནས་ཀྱི་ནང་དོན་སྟུག་པོ་མངོན་པ་དང་། གོང་དཀར་མི་དམངས་ཀྱི་བདེ་སྐྱིད་འཚོ་བ་དང་ཡར་ངོའི་ཟླ་བཞིན་འཕེལ་རྒྱས་ཕྱིན་པའི་གྲུབ་འབྲས་མངོན་ཡོད། ཁྱད་ལྡན་ཞིང་འབྲོག་ཐོན་རྫས་དང་མི་རིགས་ལག་ཤེས་བཟོ་ལས་ཐོན་རྫས་འགྲེམས་ཚོང་ཕུན་སུམ་ཚོགས་པོས། གུང་དཀར་རྫོང་གི་ཞིང་འབྲོག་མང་ཚོགས་ཀྱིས་རང་སྟོབས་རང་སྤེལ་དང་ལས་བརྩོན་ཕྱུག་འགྱུར། སྟོབས་ཤུགས་ཆེར་སྐྱེད་ཀྱིས་འབྱོར་འབྲིང་གི་ཕྱོགས་སུ་སྐྱོད་པའི་ངར་ཤུགས་གང་ལེགས་ཀྱིས་མཚོན་ཡོད།
     གུང་དཀར་རྫོང་དམངས་ཁྲོད་སྒྱུ་རྩལ་ཚོགས་པས་འཁྲབ་སྟོན་བྱས་པའི་ཞབས་བྲོ། ཤང་གྲོང་གི་ལས་ཞོར་རིག་རྩལ་རུ་ཁག་གི《བྱང་ཐང་གི་བརྩེ་བ》དང་ལས་འཁྱུར་ངལ་གསོ་ཏང་ཀྲི་པུའུ་ཡིས་འཁྲབ་སྟོན་བྱས་པའི《ཞོགས་པའི་མཁའ་རླུང་གཙང་མ》སོགས་རིམ་པར་འཁྲབ་སྟོན་བྱས་པས། 2018ལོའི་གོང་དཀར་རྫོང་འཇའ་ཚོན་སྣ་བདུན་པང་གདན་རིག་གནས་ཡུལ་སྐོར་དུས་ཆེན་ལ་རྟེན་འབྲེལ་རྫོགས་ལྡན་གྱི་དུས་ཆེན་གྱི་ཉམས་སྣང་སྩལ།

འབྲེལ་ཡོད་འོས་སྦྱོར།

暂无相关信息roking

འབྲེལ་གཏུག་ཁ་པར།：0974-8512858

འཕྲིན་སྐུར་ཡིག་ཟམ།：amdotibet@163.com