རྨ་ཆུ་རུ་དམངས་ཁྲོད་སྒྱུ་རྩལ་པའི་ཡིག་ཚགས་ཁང་བཙུགས་ནས་གླིང་སྒྲུང་མྱུར་སྐྱོབ་བྱེད་པ།

དགུང་ལོ69ལ་སོན་པའི་རྨ་ཆུའི་སྒྲྲུང་བཤད་རྒྱུད་འཛིན་པ་སྐར་ཁོ་ལགས།

            ཀན་སུའུ་ཞིང་ཆེན་རྨ་ཆུ་རྫོང་ལ་གེ་སར་རིག་གནས་ཀྱི་ཕ་ས་ཞེས་པའི་མཚན་སྙན་གསོལ་འདུག་ཅིང་། སྒྲུང་པ་རྣམས་ཀྱིས་སྒྲུང་གྱེར་པ་ནི་ཐུན་མོང་མ་ཡིན་པའི་རིག་གནས་འདི་ཉིད་ལོ་ངོ་སྟོང་ཕྲག་ལྷག་ལ་རྒྱུད་འཛིན་བྱེད་པའི་ཐབས་ལམ་གལ་ཆེན་ཞིག་ཡིན། ཉེ་ཆར་རྨ་ཆུ་རྫོང་རིག་གནས་ཁང་ནས་རྒྱུས་ལོན་པ་ལྟར་ན་ཡུལ་དེ་གས་མིག་སྔར་དམངས་ཁྲོད་སྒྱུ་རྩལ་པའི་ཡིག་ཚགས་ཁང་འཛུགས་སྐྲུན་བྱེད་བཞིན་ཡོད་ལ། གྲངས་འཛིན་ཅན་ལ་བརྟེན་ནས་གླིང་སྒྲུང་ཉར་ཚགས་བྱས་ཏེ་རིན་ཐང་གཞལ་ཡས་པའི་དམངས་ཁྲོད་ཀྱི་སྒྱུ་རྩལ་ཉམས་མེད་དུ་མི་འགྲོ་བར་སྔོན་འགོག་བྱེད་པ་རེད། 
            རྨ་ཆུ་རྫོང་ནི་མདོ་དབུས་མཐོ་སྒང་དུ་གེ་སར་སྒྲུང་རིང་ཁྲོད་ཀྱི་མི་སྣའི་ངག་རྒྱུན་ཆེས་མང་པོའི་རྫོང་ཞིག་ཡིན་ཞིང་། སྤྱི་ལེ་གྲུ་བཞི་མ་ཁྲི1ལྷག་གི་རྩྭ་ཐང་སྟེང་གེ་སར་དང་འབྲེལ་བའི་མི་སྣའི་གནས་ཤུལ77ཡོད། མིག་སྔའི་བར་དུ་རྫོང་འདིའི་དམངས་ཁྲོད་སྒྱུ་རྩལ་པ་མི་ཐེངས576ལ་ཞིབ་བཤེར་བྱས་པའི་ཁྲོད། དགུང་ལོ80ཡན་གྱི་མི4དང་། དགུང་ལོ30ནས་དགུང་ལོ50བར་གྱི་མི258ཡོད་པ་རེད། ཞིབ་བཤེར་བྱས་པའི་རྣམ་གྲངས་ལ་རིགས་ཆེ་ཤོས14དང་རིགས་ཆུང་ཤོས44ཡོད་པའི་ཁྲོད། དམངས་ཁྲོད་རྩོམ་རིག་ཁག3དང་། དམངས་ཁྲོད་གླུ་གཞས་ཁག4། དམངས་ཁྲོད་ཞབས་བྲོ་ཁག2། སྲོལ་རྒྱུན་ཟློས་གར་ཁག1། གཞས་མ་གཏམ་ཁག3། དམངས་སྲོལ་ཁག6། པར་རིས220། བརྙན་གཟིགས་རེ་རེ་སྐར་མ3ནས་སྐར་མ5ལ་ཡོད་པ་རེད།