བོད་ལྗོངས་ཀྱི་མཚོ་གཉིས་རྫོང་དེ་འཛམ་གླིང་གི་ཆེས་མཐོ་བའི་རྫོང་གི་སྒོ་བྱང་བཀལ་པ།

　　ཟླ6པའི་ཚེས26ཉིན། བོད་ལྗོངས་ནག་ཆུ་ས་ཁུལ་གྱི་མཚོ་གཉིས་རྫོང་གི་སྒོ་བྱང་དངོས་སུ་བཀལ་ཞིང་། དེ་ནི་ཀྲུང་གོའི་དུས་ཡུན་ཆེས་ཐུང་བ་དང་འཛམ་གླིང་སྟེང་ས་བབ་ཆེས་མཐོ་བའི་རྫོང་རིམ་པའི་སྲིད་འཛིན་ས་ཁུལ་ཡིན་པ་རེད། མཚོ་གཉིས་རྫོང་དེ་བོད་ལྗོངས་ནག་ཆུ་ས་ཁུལ་གྱི་ནུབ་བྱང་རྒྱུད་ཀྱི་བྱང་ཐང་རྒྱལ་ཁབ་རིམ་པའི་རང་བྱུང་སྲུང་སྐྱོབ་ས་ཁུལ་དུ་མཆིས་ལ། ཆ་སྙོམས་ཀྱིས་རྒྱ་མཚོའི་ངོས་ལས་མཐོ་ཚད་ལ་སྨི5000ཡོད་པ་རེད། ཡུལ་དེའི་ཁོངས་སུ་མཚོ་གཉིས་མངའ་བས་མིང་དེ་ལྟར་ཐོགས་ཤིང་། 1976ལོར་མཚོ་གཉིས་དོན་གཅོད་ཁྲུའུ་བཙུགས་པ་དང་། 1993ལོའི་ཟླ8པར་མཚོ་གཉིས་དམིགས་བསལ་སྲིད་འཛིན་ས་ཁུལ་བཙུགས།