གཞིས་ཀ་རྩེའི་རྫོང་སོ་སོས་རིག་རྩལ་འཁྲབ་སྟོན་སྤེལ་ནས་རིག་གནས་དུས་ཆེན་ལ་སྤྲོ་དགའི་དཔལ་བསྩལ་བ།

རྒྱལ་རྩེ་རྫོང་གི་དམངས་ཁྲོད་སྒྱུ་རྩལ་ཚོགས་པས་འཁྲབ་སྟོན་བྱེད་བཞིན་པ།

ཁངས་དམར་རྫོང་གི་དམངས་ཁྲོད་སྒྱུ་རྩལ་ཚོགས་པས་འཁྲབ་སྟོན་བྱེད་བཞིན་པ།

བཞད་མཐོང་སྨོན་རྫོང་གི་དམངས་ཁྲོད་སྒྱུ་རྩལ་ཚོགས་པས་འཁྲབ་སྟོན་བྱེད་བཞིན་པ།

　　ཉེ་ཆར། སྐབས་བཅུ་གཅིག་པའི་ཇོ་མོ་གླང་མའི་རིག་གནས་གནས་སྐོར་དུས་ཆེན་སྟེང་གཞིས་ཀ་རྩེ་ས་ཁུལ་ཤར་རྒྱུད་ཀྱི་རྒྱལ་རྩེ་རྫོང་དང་པ་སྣམ་རྫོང་། རྣམ་གླིང་རྫོང་། བཞད་མཐོང་སྨོན་རྫོང་། ཁངས་དམར་རྫོང་བཅས་དང་། དེ་ལས་གཞན་ནུབ་རྒྱུད་ཀྱི་ལྷ་རྩེ་རྫོང་དང་ངམ་རིམ་རྫོང་། དིང་རི་རྫོང་། ས་སྐྱ་རྫོང་། ས་དགའ་རྫོང་། སྐྱིད་རོང་རྫོང་བཅས་ཀྱི་དམངས་ཁྲོད་སྒྱུ་རྩལ་ཚོགས་པས་གཞིས་ཀ་རྩེ་རུ་རིག་རྩལ་འཁྲབ་སྟོན་སྣ་ཚོགས་སྤེལ་བས། ཐེངས་འདིའི་ཇོ་མོ་གླང་མའི་རིག་གནས་དུས་ཆེན་ལ་སྤྲོ་དགའི་དཔལ་གྱིས་ཡོངས་སུ་བརྟས།