ཆོས་དབྱིངས་སྐྱིད་ཀྱིས་ཧོང་ཧྲན་རྒྱལ་ཡོངས་འདུར་རྒྱུག་ཏུ་ཨང་དང་པོ་བླངས།

     ཀྲུང་གོའི་མཆོང་འཕེན་རྒྱུག་གསུམ་ལུས་རྩལ་མཐུན་ཚོགས་ནས་རྒྱུས་ལོན་པ་ལྟར་ན། ཨན་ཧུའེ་ཧོང་ཧྲན(安徽黄山)དུ་སྤེལ་བའི་རྒྱལ་ཡོངས་འདུར་རྒྱུག་བྱ་དགའ་ཆེན་མོ་དང་འཛམ་གླིང་མཆོང་འཕེན་རྒྱུག་གསུམ་གཟེངས་རྟགས་འགྲན་བསྡུར་གྱི་སྤྱི་ལེ50ཡི་འདེམ་སྒྲུག་འགྲན་བསྡུར་དེ་ཚེས10ཉིན་མཇུག་སྒྲིལ་ཞིང་། ད་སྔ་འཛམ་གླིང་དུ་ཨང་དང་པོ་ཟིན་པའི་ལུས་རྩལ་པ་ཆོས་དབྱིངས་སྐྱིད་ཀྱིས་སྐྱེས་མའི་སྤྱི་ལེ20ཡི་འགྲན་བསྡུར་ཁྲོད་ཆུ་ཚོད1དང་སྐར་མ25། སྐར་ཆ37གྱི་གྲུབ་འབྲས་ལས་ཨང་དང་པོ་བླངས། འདི་ནི་ཆོས་དབྱིངས་སྐྱིད་ཀྱིས2012ལོའི་རྗེས་སུ་ཡང་བསྐྱར་ཆུ་ཚོད1དང་སྐར་མ26ཐོད་རྒལ་བྱས་པ་རེད།