མཚོ་ལྷོ་ཁུལ་གྱིས་བོད་སྐད་ཀྱི་ཨེ་ཙིའི་ནད་ཡམས་སྔོན་འགོག་གིDVDའོད་སྡེར་བསྒྲིགས་པ།

མཚོ་ལྷོ་ཁུལ་གྱིས་བོད་སྐད་ཀྱི་ཨེ་ཙིའི་ནད་ཡམས་སྔོན་འགོག་གིDVDའོད་སྡེར་བསྒྲིགས་པ།

　　ཉེ་ཆར། ཅང་སུའུ་ཞིང་ཆེན་ནད་ཡམས་སྔོན་འགོག་ལྟེ་གནས་ཀྱིས་རོགས་སྐྱོར་གནང་ནས་བསྒྱུར་སྒྲིག་བྱས་པ་དང་མཚོ་ལྷོ་ཁུལ་ནད་ཡམས་སྔོན་འགོག་ཚོད་འཛིན་ལྟེ་གནས་ཀྱིས་རྩ་འཛུགས་བྱས་ནས་ལོ་ཙཱ་དང་ཕབ་སྦྱོར་བྱས་པའི་བོད་སྐད་པར་གཞིའི་ཨེ་ཙིའི་ནད་ཡམས་སྔོན་འགོག་གི་མུ་འབྲེལDVDའོད་སྡེར(2)(3)(4)བསྒྲིགས་ཚར་པ་རེད།
　　འོད་སྡེར་ཁྲོད་བོད་སྐད་ཀྱི་ལམ་ནས་འགྲེལ་བཤད་བྱས་ཐོག བརྙན་རིས་ཀྱི་གོང་དུ་བོད་ཡིག་འཆར་ལ། བརྗོད་བྱའི་ཐད་ཨེ་ཙིའི་ནད་ཡམས་འགོས་པའི་ནད་པའི་འཚོ་གཞེས་ཀྱི་གནས་ཚུལ་དང་ནད་རྟགས་ལ་དབྱེ་ཞིབ་བྱེད་པ། ཆེད་མཁས་ཀྱི་བགྲོ་གླེང་སོགས་ཀྱི་སྒོ་ནས་ཨེ་ཙེའི་ནད་ཡམས་འགོ་བའི་ཐབས་ལམ་དང་དེའི་ཉེན་ཁ་ཆ་ཚང་བོར་ངོ་སྤྲོད་བྱས་འདུག་ཅིང་། ཨེ་ཙིའི་ནད་ཡམས་སྔོན་འགོག་གིDVDའོད་སྡེར་དེ་སྤྱི་ཚོགས་ཐོག་བཀྲམ་པར་བརྒྱུད་ནས་མི་རྣམས་ལ་རང་ནས་བཟུང་ཨེ་ཙིའི་ནད་ཡམས་སྔོན་འགོག་བྱེད་དགོས་པའི་ཉེན་བརྡ་བཏང་བར་མ་ཟད། སྤྱི་ཚོགས་ཡོངས་ཀྱིས་ཨེ་ཙིའི་ནད་ཡམས་འགོས་པའི་ནད་པ་ལ་ཐུགས་ཁུར་དང་རོགས་སྐྱོར་བྱས་ནས་ཁོང་ཚོ་འཚོ་བའི་སྡུག་བསྔལ་ལས་གྲོལ་བར་བྱེད་པའི་འབོད་སྐུལ་བཏང་བ་རེད།