མཚོ་སྔོན་བོད་སྐད་རྒྱང་སྒྲོག་བརྙན་འཕྲིན་གྱི་ལོ་སར་དགོང་ཚོགས་ཀྱི་རིག་རྩལ་བརྩམས་ཆོས་བསྡུ་བའི་བརྡ་སྦྱོར།

       ཉེ་ལམ། མཚོ་སྔོན་བོད་སྐད་རྒྱང་སྒྲོག་བརྙན་འཕྲིན་ཁང་གིས་བོད་རབ་བྱུང་བཅུ་བདུན་པའི་ཤིང་ཕོ་རྟའི་ལོ་སྟེ་སྤྱི་ལོ་ཉིས་སྟོང་བཅུ་བཞི་ལོའི་ལོ་སར་དགོང་ཚོགས་ཀྱི་རིག་རྩལ་བརྩམས་ཆོས་བསྡུ་བའི་བརྡ་སྦྱོར་སྤེལ།
       དེ་ཡང་མཚོ་སྔོན་བོད་སྐདརྒྱང་སྒྲོག་བརྙན་འཕྲིན་གྱིས་ལོ་རེར་བསྒྲུབ་བཞིན་པའི་ལོ་སར་དགོང་ཚོགས་དེ་སྔར་ལས་ཕུན་སུམ་ཚོགས་ཞིང་། མི་རིགས་རང་གི་རིག་རྩལ་གྱི་ཁྱད་ཆོས་མངོན་པར་གསལ་པའི་གནམ་ལོ་གསར་བའི་ལེགས་སྐྱེས་གྱ་ནོམ་པ་ཞིག་བསྒྲུབ་ཆེད། ས་གནས་སོ་སོའི་སྒྱུ་རྩལ་པ་རྣམས་ཀྱིས་གསར་རྩོམ་བྱས་པའི་སྒྱུ་རྩལ་བརྩམས་ཆོས་ཏེ་གླུ་དང་གླུ་དབྱངས། ཞབས་བྲོ་དང་བཞད་གར། རྡུང་ལེན་དང་ཁ་ཤག  རྩེད་རིག་སོགས་བསྐུར་བ་ལ་གཤམ་གྱི་ཆ་རྐྱེན་འགའ་ཐུགས་ལ་འཛིན་རྒྱུ་མཁྱེན།
དང་པོ། ནང་དོན་གྱི་ཆ་ནས་སྐབས་བབས་ཀྱི་སྲིད་ཇུས་དང་མཐུན་ཞིང་། མི་རིགས་མཐུན་སྒྲིལ་དང་འཆམ་མཐུན་སྤྱི་ཚོགས། སྐལ་བཟང་དུས་ལེགས་དང་མཛེས་ལྗོངས། འཚོ་བ་གསར་བ་སོགས་ཀྱི་དགེ་མཚན་ལ་བསྟོད་གླུ་གྱེར་བའི་ལོ་སར་སྤྲོ་སྐྱིད་ཀྱི་རྣམ་པས་ཡོངས་སུ་ཕྱུག་པའི་བརྩམས་ཆོས་ཡིན་དགོས།
གཉིས་པ། བརྩམས་ཆོས་ཡོད་ཚད་བོད་སྐད་དག་མ་ཡིན་དགོས་པ་མ་ཟད། གསར་རྩོམ་ཁོ་ན་ཡིན་དགོས།
གསུམ་པ། བརྩམས་ཆོས་ཡོད་ཚདDVDའམCDའོད་སྡེར་ཡིན་དགོས་ཤིང་། གླུ་ཚིག་དང་ས་གནས།  མིང་དང་འདྲ་པར། སྦྲག་སྲིད་ཨང་གྲངས། འབྲེལ་གཏུག་ཁ་པར་སོགས་གསལ་བོར་བྲིས་ཏེ་བསྐུར་དགོས།
བཞི་བ། བརྩམས་ཆོས་བསྡུ་བའི་དུས་ཚོད་ནི་སྤྱི་ལོ2013ལོའི་ཟླ12བའི་ཚེས1བར་ཡིན།
ལྔ་པ། བརྩམས་ཆོས་བདམས་ཐོན་བྱུང་ཚེ་ཐད་ཀར་དུ་མི་རང་ཉིད་ལ་འབྲེལ་གཏུག་བྱ་ངེས། བརྩམས་ཆོས་ཡོད་ཚད་ཕྱིར་བསྐུར་མི་ཐུབ་པས་མ་ཡིག་རང་ཉིད་ཀྱིས་ཉར་ཚགས་བྱེད་རོགས།
བརྩམས་ཆོས་བསྐུར་ཡུལ། མཚོ་སྔོན་བོད་སྐདརྒྱང་སྒྲོག་བརྙན་འཕྲིན་གྱི་རིག་རྩལ་ཚན་ཁག（西宁市西关大街81号  青海广播电视台藏语卫视 文体部）
སྦྲག་སྲིད་ཨང་གྲངས། 810001
འབྲེལ་གཏུག་བྱེད་ས། བདེ་མཆོག་རྒྱལ། ཚེ་ཕྱུག་ཐར།
འབྲེལ་གཏུག་ཁ་པར། 0971-6329226དང13109719998