སྐབས་གསུམ་པའི་ཀྲུང་གོའི་བོད་རིག་པའི་ཇོ་མོ་གླང་མའི་བྱ་དགའ་ཁྱབ་བསྒྲགས་བྱས།

       ཉེ་སྔོན། སྐབས་གསུམ་པའི་ཀྲུང་གོའི་བོད་རིག་པའི་ཇོ་མོ་གླང་མ་བྱ་དགའི་དཔྱད་འདེམ་ཨུ་ཡོན་ལྷན་ཚོགས་ཀྱིས་ཐུན་མོང་གྲོས་ཞིབ་དང་འདེམ་ཤོག་འཕེན་པར་བརྒྱུད། སྡོམ་པས་དཔྱད་འདེམ་སུ་ཞུགས་པའི་གྲུབ་འབྲས་རྣམ་གྲངས19ལ་སྐབས་གསུམ་པའི་ཀྲུང་གོའི་བོད་རིག་པའི་ཇོ་མོ་གླང་མ་བྱ་དགའི་རྣམ་གྲངས་སྣ་ཚོགས་ཐོབ་པ་སྟེ། དེ་དག་སོ་སོ་ནི། རྒྱ་ཡིག་ཞིབ་འཇུག་ཆེད་དཔེའི་རྣམ་གྲངས3དང་།  བོད་ཡིག་ཞིབ་འཇུག་ཆེད་དཔེའི་རྣམ་གྲངས3། རྒྱ་ཡིག་རིག་གཞུང་དཔྱད་རྩོམ་གྱི་རྣམ་གྲངས2། བོད་ཡིག་རིག་གཞུང་དཔྱད་རྩོམ་གྱི་རྣམ་གྲངས2། དབྱིན་ཡིག་གི་ཞིབ་འཇུག་གྲུབ་འབྲས་ཀྱི་རྣམ་གྲངས4། རྨང་གཞི་རྒྱུ་ཆའི་གྲུབ་འབྲས་ཀྱི་རྣམ་གྲངས5བཅས་རེད།
       དེ་མིན། དཔྱད་འདེམ་ཨུ་ཡོན་ལྷན་ཚོགས་ཀྱིས་སྐོང་མིང་འདེམ་ཤོག་འཕེན་པར་བརྒྱུད། 《གསོ་རིག་རྒྱུད་བཞིའི་འགྲེལ་ཆེན》(བོད་ཡིག)ལ་སྐབས་གསུམ་པའི་ཀྲུང་གོའི་བོད་རིག་པའི་ཇོ་མོ་གླང་མ་བྱ་དགའི་ཁྱད་འཕགས་བྱ་དགའ་དང་། འབུམ་རམས་པ་རྡོ་རྗེ་སྐྱབས་སོགས་མི་གསུམ་ལ་སྐབས་གསུམ་པའི་ཀྲུང་གོའི་བོད་རིག་པའི་ཇོ་མོ་གླང་མ་བྱ་དགའི་གཟེངས་བསྟོད་བྱ་དགའ་ཐོབ།