《བོད་ལྗོངས་ཁྲིམས་ལུགས་ཚགས་པར》ཡང་བསྐྱར་ཚོད་ལྟའི་ཚུལ་དུ་པར་འགྲེམས་བྱས་པ།

        ཟླ༡༢པའི་ཚེས༤ཉིན་གྱི་སྔ་དྲོར། ལོ་དུ་མའི་རིང་དུ་པར་འགྲེམས་བྱེད་མཚམས་བཞག་པའི་བོད་ལྗོངས་ཁྲིམས་ལུགས་ཚགས་པར་གྱིས་རྒྱལ་ཡོངས་ཀྱི་ཁྲིམས་ལུགས་དྲིལ་སྒྲོག་ཉིན་མོ་ཐེངས་བཅུ་བ་སླེབས་པའི་དུས་དང་བསྟུན་ནས། ལྷ་ས་གྲོང་ཁྱེར་གྱི་ཆེས་འཁྲུག་ཆ་དོད་པའི་གཡུ་ཐོག་ཁྲོམ་ལམ་ནས་པར་འགྲེམ་ཚོད་ལྟ་བྱེད་པའི་བྱེད་སྒོ་སྤེལ་ཞིང་། ཕར་འགྲོ་ཚུར་འོང་གི་གྲོང་མི་རྣམས་ལ་བོད་རྒྱ་ཡིག་རིགས་གཉིས་ཀྱི་ཚགས་པར་དུས་དེབ་གནང་བ་རེད།
       ཤེས་གསལ་ལྟར་ན། བོད་ལྗོངས་ཁྲིམས་ལུགས་ཚགས་པར་ནི་༡༩༩༢ལོའི་ཟླ་༡པོར་གསར་དུ་བཏོན་པ་དང་། ཕྱིས་སུ་རྒྱུ་རྐྱེན་སྣ་ཚོགས་ཀྱི་དབང་གིས་པར་འགྲེམས་བྱེད་མཚམས་བཞག རྒྱལ་ཁབ་གསར་འགྱུར་པར་སྐྲུན་སྤྱི་ཁྱབ་ཀུང་ཧྲུའུ་གྱིས་ཆོག་མཆན་ཐོབ་པར་བརྟེན་ནས་《བོད་ལྗོངས་ཁྲིམས་ལུགས་ཚགས་པར》དེ་ཉིད་བོད་ལྗོངས་ཉིན་རེའི་ཚགས་པར་ཁང་གིས་གཙོ་གཉེར་དང་། གཙོ་སྒྲུབ་གནང་རྒྱུ་ཡིན་པ་དང་། ༢༠༡༡ལོའི་ཟླ་དང་པོར་དངོས་སུ་པར་བསྐྲུན་འགྲེམ་སྤེལ་བྱ་རྒྱུ་རེད།