ལྷོ་ཁ་ས་ཁུལ་ལྷུན་རྩེ་རྫོང་གིས་རིག་གནས་དང༌ཚན་རྩལ་སོགས་ཀྱི་བྱེད་སྒོ་སྣ་ཚོགས་སྤེལ་བ།

　　ཉིན་ཤས་བསྟུད་མར་ལྷོ་ཁ་ས་ཁུལ་ལྷུན་རྩེ་རྫོང་གིས་རྫོང་དེ་ཡོངས་སུ་རིག་གནས་དང༌། ཚན་རྩལ། འཕྲོད་བསྟེན། བཅའ་ཁྲིམས་བཅས་བྱེད་སྒོ་སྣ་ཚོགས་སྤེལ་བ་དང༌། བྱེད་སྒོ་དེ་སྨན་བཅོས་འཕྲོད་བསྟེན་ཞབས་ཞུ་ས་ཚིགས་དང༌། ཞིང་པའི་དཔེ་དེབ་ཁང༌། བཅའ་ཁྲིམས་བློ་འདྲིའི་སྟེགས་བུ། ཞིང་ལས་ཚན་རྩལ་ཇུས་འདྲི་སྟེགས་བུ་སོགས་ལ་བརྟེན་པ་དང་རྣམ་པ་ཕུན་སུམ་ཚོགས་ཡོད་པས་རྒྱ་ཆེའི་ཞིང་འབྲོག་མང་ཚོགས་ཚོའི་རིག་གནས་དང་ཚན་རྩལ། འཕྲོད་བསྟེན། བཅའ་ཁྲིམས་བཅས་དགོས་མཁོ་བསྐོང་ཐུབ་ཡོད་པ་རེད།