《བོན་གྱི་སྒོང་སྐྱེས་ལྟ་བའི་སྐོར་གྱི་ཞིབ་འཇུག》ཅེས་པ་ཕུལ་བྱུང་དཔྱད་རྩོམ་དུ་བདམས་ཐོན་བྱུང་བ།

རྩོམ་པ་པོས་རྩོད་རྒྱུགས་ཀྱི་དྲི་བར་ལན་འདེབས་བཞིན་པ།

            སྤྱི་ལོ2011ལོའི་ཟླ6ཚེས16ཉིན།  བོད་ལྗོངས་སློབ་གྲྭ་ཆེན་མོའི་རིག་གཞུང་སློབ་གླིང་ནས་ཤེས་རམས་ཞིབ་འཇུག་སློབ་མའི་རྩོད་རྒྱུགས་དམ་བཅའ་གཟབ་རྒྱས་ངང་ཚོགས་ཡོད། དེར་བན་ཤུལ་དཔལ་མཁར་རྒྱལ་གྱི་དཔྱད་རྩོམ《བོན་གྱི་སྒོང་སྐྱེས་ལྟ་བའི་སྐོར་གྱི་ཞིབ་འཇུག》ཅེས་པར་ཆེས་ཕུལ་དུ་བྱུང་བའི་རིག་གཞུང་དཔྱད་རྩོམ་དུ་འདེམས་ཐོན་བྱུང་ཡོད།

ཡིག་འབྲུ་ཁྲི39ཡི་བདག་ཉིད་དུ་གྱུར་བའི་དཔྱད་རྩོམ།

རྩོད་རྒྱུགས་ཚོགས་རྭའི་ཟུར་ཞིག

            དཔྱད་རྩོམ་འདིར་བསྡོམས་པས་ཡིག་འབྲུ་ཁྲི39ཡོད་ལ་ལུང་འདྲེན་ཡིག་ཆ་ཤིན་ཏུ་དཀོན་གྲས340ལྷག་ཡོད། དཔྱད་རྩོམ་འདིས་བོན་གྱི་སྒོང་སྐྱེས་ལྟ་བའི་སྐོར་གྱི་ཞིབ་འཇུག་ལ་ཁ་སྐོང་དང་རྒྱལ་ཡོངས་བོད་ཀྱི་ཤེས་རམས་ཞིབ་འཇུག་སློབ་མའི་མཐར་ཕྱིན་དཔྱད་རྩོམ་གྱི་ཚད་ཐིག་ལས་བརྒལ་བའི་སྡོམ་ཚིག་བཞག་ཡོད་ཅེས་ཆེད་མཁས་པ5ཡིས་དཔྱད་བརྗོད་རྒྱ་ཆེར་བཀོད་ཡོད།