ངོས་དང་པོ > སྐབས་དོན། > རིག་གནས་སློབ་གསོ། > ནུབ་བྱང་མི་རིགས་སློབ་ཆེན་དུ་འབུམ་རམས་གོང་མའི་གླེང་སློང་སྙན་ཞུ་ཚོགས་འདུ་བསྡུས་པ།

ནུབ་བྱང་མི་རིགས་སློབ་ཆེན་དུ་འབུམ་རམས་གོང་མའི་གླེང་སློང་སྙན་ཞུ་ཚོགས་འདུ་བསྡུས་པ།

རྩོམ་པ་པོ།：མཚོ་སྔོན་པོ་དྲ་བ། ཡོང་ཁུངས།：མཚོ་སྦོན་པོ་དྲ་བ། དུས་ཚོད།：2011-07-04 10:09:00 ཀློག་གྲངས།：

ལན་གྲུ་སློབ་ཆེན་གྱི་སློབ་དཔོན་ཆེན་མོ་འབྲུག་ཐར།

ཟླ6པའི་ཚེས26ཉིན་གྱི་སྔ་དྲོ། ཀྲུང་གོའི་སྐད་བརྡ་རིག་པའི་འབུམ་རམས་གོང་མའི་ཚན་ཞིབ་སྐོར་སྐྱོད་ཁང་གི་ཞིབ་འཇུག་པ་མཁའ་འབུམ་རྒྱལ་ལགས་ཀྱི་ཞིབ་འཇུག་བརྗོད་གཞིའི་གླེང་སློང་སྙན་ཞུ་ཚོགས་འདུ་དེ་ནུབ་བྱང་མི་རིགས་སློབ་གྲྭ་ཆེན་མོ་ནས་བསྡུས་ཤིང་། འདི་ནི་ནུབ་བྱང་མི་རིགས་སློབ་གྲྭ་ཆེན་མོས་ཐེངས་དང་བོར་བསྡུས་པའི་འབུམ་རམས་གོང་མའི་ཞིབ་འཇུག་བརྗོད་གཞིའི་གླེང་སློང་སྙན་ཞུ་ཚོགས་འདུ་ཡང་ཡིན།

སྙན་ཞུ་ཚོགས་འདུར་ཞུགས་པའི་ཆེད་མཁས་རྣམ་པ།

སྙན་ཞུ་ཚོགས་འདུའི་སྟེང་དུ། ཞིབ་འཇུག་པ་མཁའ་འབུལ་རྒྱལ་ལགས་ཀྱིས་བསྒྲུབ་གཞིའི་འདེམས་སྒྲུག་དང་། ཞིབ་འཇུག་གི་ནང་དོན། ཞིབ་འཇུག་གི་དངོས་ཚུལ་དང་དོན་སྙིང་། ཞིབ་འཇུག་ཐབས་ཤེས་ལ་སོགས་པའི་ཕྱོགས་ནས་རང་གི་ཞིབ་འཇུག་བརྗོད་གཞི་མཚམས་སྦྱོར་བྱས་ཤིང་། ཚོགས་ཞུགས་ཞིབ་དཔྱད་ཆེད་མཁས་རྣམ་པས་ནན་ཏན་གྱིས་སྙན་ཞུ་ལ་གསན་རྗེས། ཞིབ་འཇུག་བརྗོད་གཞི་ལ་ཁས་ལེན་གྱི་གདེང་འཇོག་མཐོན་པོ་གནང་བར་མ་ཟད། གནད་དུ་འཁེལ་བའི་དགོངས་འཆར་ཡང་བཏོན་པ་རེད། མཇུག་མཐར། ཆེད་མཁས་རྣམས་ཀྱིས་འདེམས་ཤོག་འཕངས་ནས་གྲོས་ཆོད་བཅད་པ་ལྟར་མཁའ་འབུལ་རྒྱལ་ལགས་ཀྱི་གླེང་སློང་སྙན་ཞུ་བདེ་བླག་ངང་ཆོག་འཐུས་དགོངས་འཁྲོལ་ཐོབ་པ་རེད།