མདོ་སྨད་རྨ་ལྷོ་སོག་རྫོང་གི་བྲག་ཕུག་ཅིག་ནས་རྙེད་པའི་དཔེ་རྙིང་ཟུར་ཅིག

             ཉེ་བའི་ལོ་འགའི་སྔོན་དུ་ཡུལ་མདོ་སྨད་རྨ་ལྷོ་སོག་རྫོང་ནས་ནུབ་ཏུ་ལེ་དབར་སུམ་ཅུ་ཙམ་སོང་མཚམས་ཀྱི་ཉིན་མཐའ་ཤང་གི་བྲག་ཕུག་ཅིག་གི་ནང་ནས་བོན་གྱི་དཔེ་རྙིང་དང་ཕྱག་ཆས། སྐུ་བརྙན་སོགས་མང་དུ་རྙེད་བྱུང་ནའང་། ལ་ལ་ཞིག་ས་དེ་གའི་མི་རྣམས་ཀྱིས་བོན་པོའི་རེད་ཟེར་ནས་རྨ་ཆུར་གཡུགས་པ་དང་། ལ་ལ་ཞིག་གཞན་ལ་ལྐོག་འཚོང་བྱས་སོང་བས། གོ་ཐོས་ལྟར་ན་ད་ལྟ་བྲག་ཕུག་དེ་ན་ཕལ་ཆེར་ཤུལ་བཞག་གི་དངོས་པོ་གང་ཡང་ཡོད་ཚོད་མ་རེད་ཅེས་ས་དེ་གའི་མི་རྣམས་ཀྱིས་སྨྲ་བས་ཆེས་ཡིད་ཕངས་པའི་གནས་ཤིག་ཏུ་ཟད་དོ།།