དགེ་རྒན་ལྕགས་ཐར་ཚེ་རིང་ལ་རྒྱལ་ཡོངས་མཐོ་རིམ་སློབ་ཆེན་གྱི་དཔེ་ལེགས་ཁྲིད་སྟོན་མི་སྣའི་བྱ་དགའ་ཐོབ།

ནུབ་བྱང་མི་རིགས་སློབ་ཆེན་གྱི་དགེ་རྒན་ལྕགས་ཐར་ཚེ་རིང་།

         ཉེ་ལམ། རྒྱལ་ཁབ་སློབ་གསོ་པུའུ་ཆབ་སྲིད་བསམ་བློ་བྱ་བའི་ལས་གཉེར་ཁང་དང་རྒྱལ་ཡོངས་མཐོ་རིམ་སློབ་ཆེན་ཁྲིད་སྟོན་མི་སྣའི་ཞིབ་འཇུག་ཚོགས་པ། ཀྲུང་གོའི་སློབ་གསོ་ཚགས་པར་ཁང་བཅས་ཀྱིས་མཉམ་འབྲེལ་གྱིས་སྤེལ་བའི“2011ལོའི་རྒྱལ་ཡོངས་མཐོ་རིམ་སློབ་ཆེན་གྱི་ཁྲིད་སྟོན་མི་སྣའི”དཔྱད་འདེམ་ཁྲོད་ནུབ་བྱང་མི་རིགས་སློབ་ཆེན་བོད་ཀྱི་སྐད་ཡིག་རིག་གནས་སློབ་གླིང་གི་ཁྲིད་སྟོན་དགེ་རྒན་ལྕགས་ཐར་ཚེ་ རིང་ལ2011ལོའི་རྒྱལ་ཡོངས་མཐོ་རིམ་སློབ་ཆེན་གྱི་དཔེ་ལེགས་ཁྲིད་སྟོན་མི་སྣའི་མཚན་སྙན་བྱ་དགའ་ཐོབ་པ་མ་ཟད། ཅང་སུའུ་སློབ་ཆེན་དུ་བསྡུས་པའི་བྱ་དགའ་སྟེར་བའི་མཛད་སྒོ་དང་རྒྱལ་ཡོངས་མཐོ་རིམ་སློབ་ཆེན་གྱི་ཁྲིད་སྟོན་མི་སྣའི་རིག་གཞུང་དཔྱད་བསྡུར་བརྗེ་རེས་ཚོགས་འདུར་ཞུགས་པ་རེད།

གཟི་བརྗིད་ཀྱི་དཔང་ཡིག

ཚོགས་ར།

         དགེ་རྒན་ལྕགས་ཐར་ཚེ་རིང་གིས་སློབ་ཁྲིད་ཀྱི་ཞོར་དུ་ནུབ་བྱང་མི་རིགས་སློབ་ཆེན་བོད་ཀྱི་སྐད་ཡིག་རིག་གནས་སློབ་གླིང་གི་ཁྲིད་སྟོན་པའི་ལས་ཀ་དང་གཞན་ད་དུང2008ལོའི་རྩོམ་རིག་འཛིན་གྲྭའི་འཛིན་བདག་སོགས་ཀྱི་ལས་ཀ་སྣ་མང་ཕྲག་ཏུ་བླངས་ཡོད་ལ། ཏག་ཏག་བྱ་བའི་ལས་རྐང་དུ་ཞུགས་ནས་ལོ་ངོ་བཞི་ཙམ་ལས་འགོར་མེད་པའི་དགེ་རྒན་ལྕགས་ཐར་ཚེ་རིང་ལ་མཚོན་ན་ གཡུར་དུ་ཟ་བའི་གྲུབ་འབྲས་ཤིན་ཏུ་མང་པོ་ཡོད་དེ།  ཀྲུང་གུང་ཀྲུང་དབྱང་དང་།  རྒྱལ་སྲིད་སྤྱི་ཁྱབ་ཁང་།  ཀྲུང་དབྱང་དམག་ཨུ་བཅས་མཐོ་རིམ་སྡེ་ཁག་ནས་བསྩལ་བའི་དཔེ་ལེགས་མི་སྣའི་མཚན་སྙན་བྱ་དགའ་དང་། ལན་གྲུ་དམག་ཁུལ་དང་ནུབ་བྱང་མི་རིགས་སློབ་ཆེན་སོགས་ལས་ཁུངས་ནས་གནང་བའི་གཟི་བརྗིད་ཀྱི་མཚན་སྙན་དང་རྟགས་མ་མང་པོ་འདུག་གོ།