ངོས་དང་པོ > སྐབས་དོན། > རིག་གནས་སློབ་གསོ། > རྒྱལ་ཁབ་ཕྱི་ནང་གི་ཆེད་མཁས་པ་རྣམས་མཉམ་དུ་འཛོམས་ནས་བོད་ལུགས་གསོ་རིག་གི་འཕེལ་རྒྱས་གླེང་བ།

རྒྱལ་ཁབ་ཕྱི་ནང་གི་ཆེད་མཁས་པ་རྣམས་མཉམ་དུ་འཛོམས་ནས་བོད་ལུགས་གསོ་རིག་གི་འཕེལ་རྒྱས་གླེང་བ།

རྩོམ་པ་པོ།：བདེ་ཆེན་མཚོ། ཡོང་ཁུངས།：མཚོ་སྔོན་པོ་དྲ་བ། དུས་ཚོད།：2012-08-07 11:40:00 ཀློག་གྲངས།：

藏医药小组分组讨论现场
པེ་ཅིང་རྒྱལ་སྤྱིའི་བོད་རིག་པའི་དཔྱད་གླེང་གྲོས་ཚོགས་སྐབས་ལྔ་བའི་བོད་ལུགས་གསོ་རིག་ཚོ་ཆུང་།

　　ཟླ8པའི་ཚེས2ཉིན། པེ་ཅིང་རྒྱལ་སྤྱིའི་བོད་རིག་པའི་དཔྱད་གླེང་གྲོས་ཚོགས་སྐབས་ལྔ་བའི་ཚོ་ཆུང་གྲོས་སྡུར་གྱི་རིམ་པ་འགོ་བརྩམས་ཤིང་། བོད་ལུགས་གསོ་རིག་ཚོ་ཆུང་གི་གྲོས་སྡུར་སྟེང་བོད་ཁམས་ལྗོངས་ཞིང་ལྔ་དང་། ཧང་ག་རི། རྒྱ་གར། དབྱི་ཐ་ལི། ཁཱ་ན་ཏ། པར་ཙི་སོགས་ནས་ཡོངས་བའི་བོད་ལུགས་གསོ་རིག་ཆེད་མཁས་པ་དང་རིག་གནས་པ་རྣམས་ལྷན་དུ་འཛོམས་ནས་བགྲོ་གླེང་རྒྱ་ཆེན་པོ་གནང་བ་རེད།
　　ཚོ་ཆུང་གྲོས་སྡུར་སྟེང་པེ་ཅིང་བོད་སྨན་ཁང་གི་འགོ་གཙོ་ཧིན་ཧྥུའུ་ཁའེ་ལགས་དང་། ཀྲུང་གོའི་བོད་རིག་པ་ཞིབ་འཇུག་ལྟེ་གནས་བོད་ལུགས་གསོ་རིག་ཁང་གི་ཞིབ་འཇུག་པ་གཞོན་པ་མཁའ་འགྲོ་འབུམ་ལགས། གངས་ཅན་བླ་མ་འཛམ་གླིང་ཞི་བདེའི་ཐེབས་རྩ་ཚོགས་པའི་གསར་གཏོད་པ་གངས་ཅན་བླ་མ་ལགས། ནུབ་བྱང་མི་རིགས་སློབ་ཆེན་གྱི་དགེ་རྒན་ཆེན་མོ་དཔལ་ཆེན་རྒྱལ་ལགས། མཚོ་སྔོན་སློབ་ཆེན་བོད་ལུགས་གསོ་རིག་གླིང་གི་དགེ་རྒན་ཆོས་དབྱིངས་རང་གྲོལ་ལགས་སོགས་ཀྱིས་བོད་ལུགས་གསོ་རིག་རིག་གཞུང་རྒྱུན་འཛིན་དང་གཞུང་ལུགས་ལག་ལེན་སོགས་ཀྱི་ཐད་ནས་གཏམ་བཤད་གནང་བ་རེད།
　　ཐེངས་འདིའི་ཚོ་ཆུང་བགྲོ་གླེང་གིས་རྒྱལ་ཁབ་ཕྱི་ནང་གི་ཆེད་མཁས་པ་རྣམས་ཀྱིས་བོད་ལུགས་གསོ་རིག་ལ་རྒྱུས་ལོན་བྱེད་ཐུབ་ཅིང་རིག་པའི་གནས་འདིས་འགྲོ་བ་མིའི་རིགས་ལ་མཐུན་རྐྱེན་གང་ལེགས་བསྐྲུན་པར་རྨང་གཞི་བརྟན་པོ་ཞིག་བཏིངས་པ་རེད།

ཚོགས་རའི་ཟུར་ཞིག

རྒྱལ་ཁབ་ཕྱི་ནང་ནས་ཡོང་བའི་ཆེད་མཁས་པ་རྣམས་ཀྱིས་མཉམ་དུ་བགྲོ་གླེང་བྱེད་བཞིན་པ།