བོན་བསྟན་དཔྱད་བརྗོད་དེབ《དཔྱོད་ལྡན་མཆོད་པའི་མེ་ཏོག》འགྲེམ་སྤེལ་གནང་བ།

2012ལོའི《དཔྱོད་ལྡན་མཆོད་པའི་མེ་ཏོག》སྤྱིའི་དེབ་གྲངས་དགུ་བའི་རྒྱབ་ཤོག

         ཞང་བོད་གནའ་བོའི་རིག་གནས་ནི་རང་བྱུང་ཁམས་དང་འཐབ་རྩོད་བརྒྱུད་ནས་དར་ཞིང་འཕེལ་བའི་ལོ་རྒྱུས་ཀྱི་ཁུངས་གཏུགས་ས་ཞིག་དང༌།  ཡིག་རིགས་ཚད་ལྡན་ཁག་ལས་ཐོག་མའི་དཔྱད་ཡིག་གི་བློ་ཁེན་ས་ཞིག་ཏུ་ཡང་ཆགས་ཚར་བས།  ཁྱེད་དང་ང་ཚོས།  སྒེར་སེམས་ཀྱི་ཆེད་དུ་ཡང་དག་པའི་མགོ་བོ་དེ་ཡོ་འཁྱོག་མི་བྱེད་པར།  མི་ལོ་ཁྲི་ཕྲག་སྔོན་རོལ་གྱི་གསར་གཏོད་ལྡན་པའི་རིག་གནས་དང་གདོད་མའི་དུས་སྐབས་ནས་བརྒྱུད་པའི་ཡབ་མེས་ཀྱི་ཐུན་མིན་རིག་གནས་ཀུན་ལ་ཡུན་རིང་སློབ་སྦྱོང་དང་དཔྱད་ཞིབ་སོང་ཚེ།  ལེགས་སྤེལ་ཞན་དོར་གྱི་གནས་ལུགས་དེ་ཤེས་འགྲོ་བར་མ་ཟད།  ཤུགས་རྐྱེན་གྱི་དབང་གིས་ཉམས་དམས་ཐེབས་པའི་སྔོན་ཆད་ཀྱི་ལོ་རྒྱུས་ཐད་དང༌།  སྲོལ་རྒྱུན་གྱི་ཐད།  ཆོས་ལུགས་ཀྱི་ཐད་གང་ལའང་ཕྱོགས་བསྡོམས་ཀྱི་གཟུར་གཏམ་ལྷུགས་པོར་འཁྲུངས་ངེས་པ་གོར་མ་ཆག

2012ལོའི《དཔྱོད་ལྡན་མཆོད་པའི་མེ་ཏོག》སྤྱིའི་དེབ་གྲངས་དགུ་བའི་དཀར་ཆག

         དཔལ་དོན་འགྲུབ་རྒྱལ་གྱིས།  རང་རེའི་མཁས་པ་རྣམས་ལ་ཞན་ཆ་ཞིག་ཡོད་པ་ནི།  རིག་གནས་དང་ལོ་རྒྱུས་ཀྱི་ཁུངས་རྒྱ་གར་ལ་གཏུགས་ཅི་ཐུབ་བྱེད་པ་རེད་ཅེས་ཡུན་རིང་གི་ལོ་རྒྱུས་ནང་བྱུང་བའི་རང་ཕན་གཞན་བརྟེན་གྱི་བསམ་པའི་ཕྱོགས་ལྷུང་ལ་ཐད་ཀར་སྐྱོན་འཛུགས་མཛད་པར་དཔགས་ན།  སྐྱོན་ཆ་རང་རྟོགས་དང་དགེ་མཚན་དར་སྤེལ་གྱི་འོས་འགན་དེ་ང་ཚོ་གཞོན་ནུ་རྗེས་འཛིན་པ་དག་གི་ལ་རྒྱ་དང་འབྲེལ་བ་ཆེ་བའི་དུས་རབས་ཀྱི་སྙིང་སྟོབས་ཤིག་དང་གསར་བརྗེ་ཞིག་ཏུ་མཐོང་ནས་འདས་སོང་གི་གོལ་ལམ་མང་པོ་ཞིག་ལ་ཡང་བསྐྱར་མཐོལ་བཤགས་ཀྱི་ཁ་བཏགས་དེ་བཅོས་མིན་སྙིང་ནས་འཐེན་དགོས་པ་མ་ཡིན་ནམ།

2012ལོའི《དཔྱོད་ལྡན་མཆོད་པའི་མེ་ཏོག》སྤྱིའི་དེབ་གྲངས་དགུ་བའི་དཀར་ཆག

2012ལོའི《དཔྱོད་ལྡན་མཆོད་པའི་མེ་ཏོག》སྤྱིའི་དེབ་གྲངས་དགུ་བའི་དཀར་ཆག

         《དཔྱོད་ལྡན་མཆོད་པའི་མེ་ཏོག》ནི་སྔ་དར་བོན་གྱི་རིག་གཞུང་འཚོལ་བའི་གསེར་གྱི་རྐང་སྟེགས་སུ་གྱུར་ཡོད་ནའང༌།  ད་དུང་མུ་མཐུད་ནས་རྩོམ་མཁན་བསྐྱེད་བསྲིང་དང་བོད་ཀྱི་སྤྱི་ཚོགས་སུ་བདེན་དྲང་གི་ཐ་ཚིག་མང་པོ་སྤྱན་གཟིགས་སུ་ཕུལ་དང་འབུལ་གྲབས་སུ་མཆིས་པས།  གནའ་བོའི་བོད་ཀྱི་རིག་གནས་ལ་བག་ཆགས་གསལ་ཞིང་གྲུབ་མཐའ་ཆོས་ལུགས་ཁག་ལ་ནམ་ཀུན་མཐུན་ལམ་སྟོན་པའི་ཀློག་པ་པོ་དང་གྲགས་ཅན་མཁས་པ་མཆོག་ནས་ལྗགས་རྩོམ་གྱི་གྲུ་ཆར་ཉིད་དཔྱད་བརྗོད་དེབ་ཕྲེང་གི་གཤིན་ས་རུ་ལྷུག་སྩོལ་འཇོ་བར་ཞུ།               

གཙོ་སྒྲིག་པ།  ཁྲི་བསོད་བསྟན། 
སྡོད་གནས།  རེབ་གོང་བོན་བརྒྱ་དགོན། 
རྩོམ་བསྐུར་ཡུལ།  trisoten727@yahoo.com