《རྨ་ལྷོ་ཁུལ་དམངས་ཁྲོད་རིག་གནས་དཔེ་ཚོགས》ཞེས་པ་པར་བསྐྲུན་འགྲེམ་སྤེལ་བྱས་པ།

　　ཉེ་ཆར། རྨ་ལྷོ་ཁུལ་གྱིས་འཚོལ་བསྡུ་དང་ལེགས་སྒྲིག་བྱས་པའི《རྨ་ལྷོ་ཁུལ་དམངས་ཁྲོད་རིག་གནས་དཔེ་ཚོགས》ཞེས་པའི་པོད་དྲུག་པ《རྨ་ལྷོའི་དམངས་གླུ་གཅེས་བསྡུས》དང《རྙིང་མ་བའི་མཎྚལ་གྱི་ཆོ་ག་ཕྱག་ལེན》ཞེས་པ་གཉིས་ཀན་སུའུ་མི་རིགས་དཔེ་སྐྲུན་ཁང་ནས་དངོས་སུ་པར་བསྐྲུན་འགྲེམ་སྤེལ་བྱས། 

　　རྒྱུས་ལོན་པ་ལྟར་ན《རྨ་ལྷོའི་དམངས་གླུ་གཅེས་བསྡུས》དང《རྙིང་མ་བའི་མཎྚལ་གྱི་ཆོ་ག་ཕྱག་ལེན》ཞེས་པའི་དེབ་གཉིས་ནི་རྨ་ལྷོ་ཁུལ་གྱི་ལོ་ངོ་མང་པོའི་རིང་ལ་དམངས་ཁྲོད་རིག་གནས་ཞིབ་འཇུག་ཐད་བླངས་པའི་སྨིན་འབྲས་གལ་ཆེན་ཞིག་ཡིན་ཞིང་། དེས་རྨ་ལྷོ་ཁུལ་གྱི་ཁྱད་དུ་འཕགས་པའི་དམངས་ཁྲོད་རིག་གནས་སྒྱུ་རྩལ་དྲིལ་སྒྲོག་དང་འགྲེམ་སྟོན། རྨ་ལྷོ་ཁུལ་གྱི་རིག་གནས་ཀྱི་མཚན་སྙན་ཇེ་རྒྱས་ཇེ་ལེགས་སུ་གཏོང་བར་དགེ་མཚན་ཆེན་པོ་ལྡན་པ་རེད།