བོད་ལྗོངས་སུ་ལོ15ཡི་རིན་མེད་སློབ་གསོ་དེ་རྒྱལ་ཡོངས་ནས་ཐོག་མར་མངོན་འགྱུར་བྱུང་བ།

རྒྱལ་ཡོངས་ནས་ལོ15ཡི་རིན་མེད་སློབ་གསོ་དེ་བོད་ལྗོངས་སུ་ཐོག་མར་མངོན་འགྱུར་བྱུང་བ།

　　2013ལོར་བོད་ལྗོངས་སུ་སློབ་སྔོན་སློབ་གསོ་མྱོང་བའི་བྱིས་སྐྱོང་ཁང་གི་བྱིས་པའི་འཚོ་བའི་ཁ་གསབ་ནི་རིགས་གཉིས་པའི་ས་ཁུལ་དུ་མི་རེར་ལོ་རེར་སྒོར2600དང་། རིགས་གསུམ་པའི་ས་ཁུལ་དུ་མི་རེར་ལོ་རེར་སྒོར2700། རིགས་བཞི་པའི་ས་ཁུལ་དང་ཡུལ་མཐའི་རྫོང་དུ་མི་རེར་ལོ་རེར་སྒོར2800བཅས་ཡིན་པ་རེད། 
　　བྱིས་པ་རྣམས་སློབ་གྲྭར་འཇུག་པ་དང་སློབ་གྲྭར་འགྲིམ་པར་ཁག་ཐེག་བྱ་ཆེད་བོད་ལྗོངས་ཀྱིས2011ལོ་ནས་བཟུང་རོང་འབྲོག་ཁུལ་གྱི་སློབ་སྔོན་སློབ་གསོ་དེ་ཁ་གསབ་ཀྱི་ཁོངས་སུ་བཞག་སྟེ་ལོ་རེར་ཇེ་མཐོར་ཕྱིན་ལ། མིག་སྔར་བོད་ལྗོངས་ཀྱིས་ལོ15ཡི་རིན་མེད་སློབ་གསོ་དེ་རྒྱལ་ཡོངས་སུ་ཐོག་མར་མངོན་འགྱུར་བྱུང་ཐུབ་པ་རེད།