ངོས་དང་པོ > སྐབས་དོན། > རིག་གནས་སློབ་གསོ། > 《གེ་སར་སྒྲུང》གི་རྒྱ་འགྱུར་མའི་ལས་གཞི2018ལོར་ལེགས་འགྲུབ་འབྱུང་ངེས།

《གེ་སར་སྒྲུང》གི་རྒྱ་འགྱུར་མའི་ལས་གཞི2018ལོར་ལེགས་འགྲུབ་འབྱུང་ངེས།

རྩོམ་པ་པོ།：བདེ་ཆེན་མཚོ། ཡོང་ཁུངས།：མཚོ་སྔོན་པོ་དྲ་བ། དུས་ཚོད།：2013-12-06 11:03:00 ཀློག་གྲངས།：

　　རྒྱུས་ལོན་བྱུང་བ་ལྟར་ན། ཟླ12པའི་ཚེས5ཉིན《གེ་སར་སྒྲུང》གི་རྒྱ་འགྱུར་མའི་ལས་གཞི་བོད་ལྗོངས་སུ་འགོ་བརྩམས་ཤིང་། སྔོན་དཔག་བྱས་པ་ལྟར་ན2018ལོར་ལེགས་འགྲུབ་འབྱུང་རྒྱུ་རེད།
　　དུས་རབས་སྔོན་མའི་ལོ་རབས80པ་ནས་བཟུང་། སྒྲུང་བ་བསམ་གྲུབ་དང་ཆོས་གྲགས། གཡུ་མེ། ཚེ་དབང་འཇིགས་མེད་སོགས་ཀྱི་སྒྲུང་བཤད་དག་མྱུར་སྐྱོབ་བྱ་ཡུལ་གཙོ་ཤས་སུ་བཟུང་སྟེ་སྒྲ་ཕབ་དང་ཡིག་ཕབ་སོགས་བྱས་པར་མ་ཟད། 2000ལོར《གེ་སར་སྒྲུང་བ་བསམ་གྲུབ་ཀྱི་སྒྲུང་བཤད》སྒྲ་ཕབ་ལེགས་སྒྲིག་དང་རྩོམ་སྒྲིག་དཔར་སྐྲུན་གི་ལས་ཀའི་འགོ་བརྩམས་ནས2001ལོའི་ཟླ7པར《ལྷའི་ཁམས་ཀྱི་སྡེ》སོགས་པོད་ལྔ་དང་དེབ་དྲུག་དངོས་སུ་དཔར་བསྐྲུན་གནང་།
　　《གེ་སར་སྒྲུང》རྒྱ་ཡིག་ཏུ་བསྒྱུར་བར་ལོ་ཙཱ་བའི་ཕྱོགས་སོ་སོའི་ནུས་པ་དང་ཆུ་ཚད་ཧ་ཅང་མཐོ་དགོས་པས། བོད་ལྗོངས་ལས་གཞན་ཀན་སུའུ་དང་། མཚོ་སྔོན། པེ་ཅིང་སོགས་ཀྱི་ལོ་ཙཱ་དང་རྩོམ་རིག་ཁྱབ་ཁོངས་ཀྱི་ཆེད་མཁས་མང་པོ་གདན་དྲངས་ནས་མཉམ་གཅིག་ཏུ་རྒྱ་འགྱུར་མའི་ལས་གཞི་སྤེལ་རྒྱུ་ཡིན་ཞིང་། སྔོན་དཔག་བྱས་པ་ལྟར་ན2018ལོར་ལེགས་འགྲུབ་འབྱུང་རྒྱུ་རེད།

འབྲེལ་ཡོད་འོས་སྦྱོར།

暂无相关信息roking

འབྲེལ་གཏུག་ཁ་པར།：0974-8512858

འཕྲིན་སྐུར་ཡིག་ཟམ།：amdotibet@163.com