མཚོ་སྔོན་དགེ་ཐོན་སློབ་ཆེན་མི་རིགས་དགེ་ཐོན་སློབ་གླིང་གི་རྒྱུན་ཤེས་འགྲན་བསྡུར་སྤེལ་བ།

　　ཟླ12པའི་ཚེས5ཉིན་ཏེ། གཟའ་འཁོར་འདིའི་རེས་གཟའ་ཕུར་བུའི་དགོང་མོའི་ཆུ་ཚོད་བདུན་གྱི་སྟེང་དུ་མཚོ་སྔོན་དགེ་ཐོན་སློབ་ཆེན་མི་རིགས་དགེ་ཐོན་སློབ་གླིང་སློབ་མའི་ལས་དོན་ཁང་གིས་སྒྲུབ་པའི་རྒྱུན་ཤེས་འགྲན་བསྡུར་མཚོ་སྔོན་དགེ་ཐོན་སློབ་ཆེན་ཤར་གླིང་གི423སློབ་ཁང་ནང་དུ་གཟབ་རྒྱས་ངང་ཚོགས། ཚོགས་ཞུགས་མི་སྣ་དགེ་ཐོན་སློབ་ཆེན་གྱི་དགེ་རྒན་དང་སྡེ་ཁག་རིས་མེད་ཀྱི་སློབ་མ300ལྷགས་ཡོད།
　　ཐེངས་འདིའི་རྟིང་རྩོད་འགྲན་བསྡུར་ལ་སྡེ་ཁག་སོ་སོ་ནས་སློབ་བུ་གསུམ་རེ་བདམས་ཐོན་བྱུང་། རྟིང་རྩོད་འགྲན་བསྡུར་ཁྲོད་མི་སྒེར་གྱི་དྲི་བ་དང་ཐུན་མོང་གི་དྲི་བ།བརྩོན་ལེན་གྱི་དྲི་བབཅས་ཕུན་སུམ་ཚོགས་པའི་འདྲི་གཞི་སྣ་མང་བཏོན་ཏེ་སློབ་གྲོགས་རྣམས་ཀྱི་རང་རང་གི་བློ་རིག་གི་འཇོན་ཐང་ངོམ། བློ་རིག་གི་འཁྱུག་རྩལ་འགྲན་པའི་དོ་ར་དེ་ནས་གྲངས་རིག་སྡེ་ཁག་ལ་བྱ་དགའ་ཨང་དང་པོ་དང་། དངོས་ལུགས་སྡེ་ཁག་ལ་བྱ་དགའ་ཨང་གཉིས་པ། རྫས་འགྱུར་སྡེ་ཁག་ལ་བྱ་དགའ་ཨང་གསུམ་པ་ཐོབ་སྟེ་དགའ་སྤྲོས་ཡོ་ལང་དང་བཅས་ཏེ་ཐེངས་འདིའི་རྒྱུན་ཤེས་འགྲན་བསྡུར་སྤྲོ་སེམས་འཁོད་པའི་ངང་མཇུག་རྫོགས་པ་ཡིན།