བོད་ལྗོངས་ཀྱིས་བོད་ལུགས་གསོ་རིག་གི་ཆེད་དོན་གཞི་གྲངས་རིག་མཛོད་བསྐྲུན་འཆར་ཡོད་པ།

　　ཟླ12པའི་ཚེས12ཉིན། བོད་ལྗོངས་རིག་གནས་ཐིན་གྱིས་ཁྱབ་བསྒྲགས་བྱས་པ་ལྟར་ན་བོད་ལུགས་གསོ་རིག་གི་ཆ་འཕྲིན་གྲངས་འཛིན་ཅན་དུ་བསྒྱུར་ཆེད། བོད་ལྗོངས་ཀྱིས2015ལོའི་བར་དུ་བོད་ལུགས་གསོ་རིག་གི་ཆེད་དོན་གཞི་གྲངས་རིག་མཛོད་བསྐྲུན་རྒྱུ་ཡིན་ཞིང་། དེས་བོད་ལུགས་སྨན་རྫས་ཀྱི་རྒྱུན་འཛིན་དང་དར་སྤེལ་ལ་སྐུལ་འདེད་ཆེན་པོ་བྱེད་ཐུབ་པའི་ཁར། རྒྱལ་ཁབ་ཕྱི་ནང་གི་བོད་ལུགས་གསོ་རིག་གི་ཞིབ་འཇུག་ལ་ཆ་འཕྲིན་གྱི་ཁུངས་མ་ཡང་དག་ཅིག་འདོན་སྤྲོད་བྱེད་ཐུབ་པ་རེད།
　　ད་ལོའི་ཟླ9པའི་བར་དུ་བོད་ལྗོངས་བོད་ལུགས་སྨན་ཁང་དང་བོད་ལྗོངས་སློབ་ཆེན་ཞིང་ཕྱུགས་སློབ་གླིང་གི་ཀྲུང（བོད）ལུགས་སྨན་རྫས་ཐོན་ཁུངས་ཁྱབ་བཤེར་རུ་ཁག་གིས་སྨན་སྤྱོད་སྐྱེ་དངོས་རིགས3000ལྷག་རྙེད་པ་དང་། དེའི་ཁྲོད་རྒྱལ་ཁབ་ཀྱི་སྨན་རྫས་རྒྱུ་ཆ་གལ་ཆེན་རིགས90ལྷག་དང་ཁྱད་ལྡན་སྨན་རྫས་རྒྱུ་ཆ་རིགས50ལྷག་ཡོད་པ་རེད། 2014ལོར་ཁོང་ཚོས་བོད་ལྗོངས་ཀྱི་རྫོང9རུ་མུ་མཐུད་དུ་ཀྲུང（བོད）ལུགས་སྨན་རྫས་ཐོན་ཁུངས་ཁྱབ་བཤེར་བྱེད་བཞིན་ཡོད་ཅིང་། སྔོན་དཔག་ལྟར་ན་ལོ་ལྔའི་རྗེས་སུ་ཁྱབ་བཤེར་གྱི་ལས་འགན་ཡོངས་འགྲུབ་རྒྱུ་རེད།