《རྒྱ་བོད་ཁྲིམས་ལུགས་ཚིག་མཛོད་ཆེན་མོ》དེ་མི་རིགས་ཀྱི་ཕུལ་བྱུང་དཔེ་དེབ་ཏུ་བདམས་པ།

　　ཉེ་ཆར། བོད་ལྗོངས་ཞིབ་དཔྱོད་ཁང་གིས་རྩ་འཛུགས་བྱས་ནས་བསྒྱུར་སྒྲིག་བྱས་པའི《རྒྱ་བོད་ཁྲིམས་ལུགས་ཚིག་མཛོད་ཆེན་མོ》དེ་མི་རིགས་ཀྱི་ཕུལ་བྱུང་དཔེ་དེབ་བརྒྱ་ཡི་གྲས་སུ་བདམས་པ་རེད།
　　ཚིག་མཛོད་ཆེན་མོ་འདི་རུ་ཐ་སྙད7662དང་བསྡུ་སྒྲིག་བྱས་ཡོད་པ་དང་། ཁྱོན་བསྡོམས་ཡི་གེ་ཁྲི288ཡོད་པ་རེད། མི་རིགས་ཀྱི་ཕུལ་བྱུང་དཔེ་དེབ་བརྒྱ་འོས་སྦྱོར་བྱེད་པའི་བྱ་འགུལ་ནི་རྒྱལ་ཁབ་གསར་འགྱུར་པར་བསྐྲུན་དང་རླུང་བརྙན་འཕྲིན་སྤྱི་ཅུའུ་དང་། རྒྱལ་ཁབ་མི་རིགས་ལས་དོན་ཨུ་ཡོན་ལྷན་ཁང་གཉིས་ཀྱིས་སྒྲུབ་ཀྱིན་ཡོད་ཅིང་། ལོ་རེར་ཐེངས་གཉིས་ལ་སྤེལ་བཞིན་ཡོད། ཐེངས་འདིའི་དཔྱད་འདེམས་སྟེང་ཁྱོན་བསྡོམས་རྒྱལ་ཡོངས་ཀྱི་དཔེ་དེབ་རིགས954ཡོད་པ་རེད།