མཚོ་ལྷོ་ཁུལ་ལས་རིགས་སློབ་གསོའི་སློབ་མ་བསྡུ་ལེན་བྱེད་པའི་བརྡ་སྦྱོར།

     2014ལོར་མཚོ་ལྷོ་ཁུལ་ཁུལ་ཨུ་དང་ཁུལ་མི་དམངས་སྲིད་གཞུང་། ཁུལ་སློབ་གསོ་ཅུའུ། ཁུལ་ལས་རིགས་ལག་རྩལ་སློབ་གྲྭ་བཅས་ནས་རྒྱལ་ནང་གི་ནང་ལོག་ས་ཁུལ་གྱི་ལས་རིགས་སློབ་གྲྭ་གྲགས་ཅན་འགའ་ལ་འབྲེལ་ཟམ་བཙུགས་ཏེ་མཚོ་ལྷོ་ཁུལ་གྱི་དམའ་འབྲིང་དང་མཐོ་འབྲིང་མཐར་ཕྱིན་སློབ་མ་ཚོར་བགྲོད་ལམ་གསར་བ་ཞིག་དང་། མདུན་ལམ་ཁོད་ཡངས་ཤིག་སྐྲུན་ཡོད་པ་མ་ཟད། བོད་ཁུལ་དུ་ལས་རིགས་ལག་རྩལ་ཅན་གྱི་མི་སྣ་མི་འདང་བ་དང་། ལག་རྩལ་གྱི་ལས་གནས་སྟོང་བ་ལ་ཁ་གསབ་བྱེད་ཆེད། ཞིང་ཆེན་སློབ་གསོ་ཐིན་གྱིས་ཆོག་མཆན་གནང་བ་བཞིན་མཚོ་ལྷོ་ཁུལ་ནས་ལས་རིགས་སློབ་གསོའི(གཞན་གནས་ནས་འཛིན་གྲྭ་འཛུགས་པ异地办班)སློབ་མ་450བསྡུས་ནས་ཅང་སུའུ་དང་། སི་ཁྲོན། ལན་གྲུ ཧྭོ་ནན་བཅས་ལ་སྐྱེལ་རྒྱུ་ཡིན།
     ཆེད་ལས་ཀྱི་ཕྱོགས་ནས་གློག་ཆས་དང་། གློག་ཀླད། བཟོ་ལས། ཐོན་ཁུངས། ཞབས་ཞུ། ནད་གཡོག སྨན་དོན། ཚོང་ལས། འཛུགས་སྐྲུན། ནོར་རྩིས་སོགས་ཆེད་ལས100ལྷག་ལས་འདེམས་གསེས་བྱས་ཆོག  སློབ་གྲྭ་འདི་དག་གང་ལ་སོང་ནའང་སློབ་ཡོན་སྤྲོད་མི་དགོས་པ་མ་ཟད་ད་རུང་ཚུར་སློབ་མ་ལ་འཚོ་བའི་ཁ་སྣོན་ཟླ་རེར་སྒོར320སྟེར་ངེས་ཡིན།
མིང་ཐོ་འགོད་དུས། 2014ལོའི་ཟླ7པའི་ཚེས1ནས་ཟླ8པའི་ཚེས20བར་ཡིན། (སི་ཁྲོན་ཞིང་ཆེན་ལ་མིང་ཐོ་འགོད་མཁན་ཚོ་ཟླ8པའི་ཚེས13ཉིན་ཆབ་ཆར་ཐོན་དགོས།)
སློབ་གྲྭར་འགྲོ་དུས། 2014ལོའི་ཟླ8པའི་ཚེས23ཉིན་ཡིན།
འབྲེལ་གཏུགས་བྱེད་ས།
མཚོ་ལྷོ་ཁུལ་སློབ་གསོ་ཅུའུ་ལས་རིགས་སློབ་གསོ་གཞུང་ལས་ཁང་།
དགེ་རྒན་བདུད་མགོན་ཚེ་རིང་། ཁ་པར། 13299744335
དགེ་རྒན་བསམ་འགྲུབ་སྐྱིད། ཁ་པར། 15997048977
མཚོ་ལྷོ་ཁུལ་ལས་རིགས་ལག་རྩལ་སློབ་གྲྭ།
དགེ་རྒན་ལྷ་མཆོག་ཐར། ཁ་པར། 18997346738