བོད་སྤོས་བཟོ་སྐྲུན་བྱ་བ་མུ་མཐུད་དུ་འཕེལ་རྒྱས་ཀྱི་ལམ་ལ་ཞུགས་ཀྱི་ཡོད།
ལག་བཟོའི་བོད་སྤོས།
བོད་སྤོས་ནི་ནང་བསྟན་ཆོས་ལུགས་རིག་གནས་དང་བོད་ཀྱི་སྲོལ་རྒྱུན་རིག་གནས་ཁྲོད་མེད་དུ་མི་རུང་ལ། བོད་སྤོས་ཀྱི་གྲུབ་ཆའི་ནང་རང་བྱུང་དྲི་རྫས་དང་སྨན་རྫས་སོགས་འདུས་ཤིང་། དེས་ལུས་ཀྱི་འབྱུང་ཁམས་བདེ་བར་བྱེད་པ་དང་། དུག་འཇོན་གྱི་ནུས་པ་སོགས་ལྡན། རྒྱལ་ཁབ་ཕྱི་ནང་གི་ཚོང་རས་དགའ་བསུ་ཆེན་པོ་ཐོབ་པ་རེད། བོད་ལྗོངས་སུ་བོད་སྤོས་ཐོན་སྐྱེད་ཀྱི་ཁེ་ལས་བཟོ་གྲྭ་ཡོད་པ་མ་ཟད། དགོན་པ་མང་ཆེ་བས་ཀྱང་བོད་སྤོས་བཟོ་རྩལ་བརྒྱུད་འཛིན་བྱེད་རྒྱུ་དེ་རང་གི་འགན་ཁུར་ཡིན་པའི་འདུ་ཤེས་བཟུང་ལ། དེ་ཡང་དཔེར་ན་འབྲི་གོང་མཐིལ་དགོན་པ་ལྟ་བུ་རེད། ཧྲང་ཧེ་འཛམ་གླིང་དངོས་མང་འགྲམ་ཚོགས་ཀྱི་བོད་ལྗོངས་བྱ་འགུལ་སྟེང་འབྲི་གོང་མཐིལ་དགོན་པའི་བཙུན་པ་དཀོན་མཆོག་འོད་ཟེར་གྱིས་བོད་སྤོས་བཟོ་རྩལ་ཡུལ་དངོས་ནས་འགྲམ་སྟོན་བྱས་ཤིང་། བོད་སྤོས་བཟོ་རྩལ་མུ་མུཐུད་དུ་འཕེལ་པར་རེ་བ་བཅོལ་གྱི་ཡོད།
འབྲི་གོང་མཐིལ་དགོན་པ་ནི་ལྷ་སའི་ཤར་ཕྱོགས་ཀྱི་མལ་གྲོ་གུང་དཀར་རྫོང་གི་ཁུངས་སུ་གཏོགས་ཤིང་། བོད་རྒྱུད་ནང་བསྟན་བཀའ་རྒྱུད་པའི་དགོན་པ་ཞིག་ཡིན། 2008ལོའི་ཟླ6པའི་ནང་བོད་སྤོས་བཟོ་རྩལ་དེ་རྒྱལ་ཁབ་རིམ་པའི་མངོན་འགྱུར་མ་ཡིན་པའི་རིག་གནས་ཤུལ་བཞག་གི་གྲས་སུ་འཚུད་པ་རེད།
ཚང་མས་ཤེས་གསལ་ལྟར། བོད་སྤོས་ཀྱི་ཐུན་མོང་མ་ཡིན་པའི་ཁྱད་ཆོས་ནི་ལག་རྩལ་ཁོ་ན་མ་ཡིན་པར། ད་དུང་དེའི་རང་བྱུང་མ་བཅོས་རྒྱུ་ཆ་སོགས་ཡིན་ཏེ། ལྷག་པར་དུ་མཐོ་བོད་ཀྱི་རྩ་ཆེན་སྨན་རྫས་རྩི་ཤིང་སོགས་རེད། ཡིན་ཡང་རྩི་ཤིང་འདི་རིགས་འཐོག་པའི་སྐབས་སུ་རྒྱུན་དུ་ཤིང་རྩ་ནས་འབྱིན་པས་སྐྱེ་ཁམས་གཞན་ལ་གནོད་པ་འཐེབས་ཀྱི་ཡོད་ཅིང་། ཡང་བོད་སྤོས་ལ་ལ་ཞིག་གི་ནང་དུ་གླ་རྩི་དང་ཤེལ་ཏ་སོགས་སྲོག་ཆགས་ཀྱི་རིགས་ཀྱང་གཏོགས་པ་རེད། དེར་བརྟེན། ལོ་འདི་འགའི་ནང་འབྲི་གོང་མཐིལ་དགོན་པས་བོད་སྤོས་བཟོ་བའི་གོ་རིམ་ཁྲོད་དུ། སྨན་རྫས་རྩི་ཤིང་སོགས་རྩ་བ་ནས་འབྱིན་བའི་སྲོལ་དེ་ལོ་མ་འཐོག་པར་ཕར་བསྒྱུར་བྱས་པ་རེད།
ད་ལྟ་འབྲི་གོང་མཐིལ་དགོན་པར་བོད་སྤོསས་བཟོ་མཁན་བཙུན་པ་བཞི་མ་གཏོགས་མི་འདུག་ཅིང་། ཚོང་རའི་རང་བཞིན་གྱི་ལམ་དེར་འགོ་བརྩམས་མ་ཐག་རེད།
-
暂无相关信息roking
འབྲེལ་གཏུག་ཁ་པར།：0974-8512858
འཕྲིན་སྐུར་ཡིག་ཟམ།：amdotibet@163.com
青公网安备63252102000006号