ཀུ་ཤུ་གློག་ཀླད་པར་གཞིའི་“ཇོ་མོ་གླང་མའི”བོད་ཡིག་གི་ཡིག་གཟུགས་མ་ལག་བྱུང་བ།

བཀྲ་ཤིས་ཚེ་རིང་དང་ལི་ཅིན་ཞུང་གཉིས་ཀྱིས་ཚོགས་ཐོག་ཏུ་ཀུ་ཤུ་གློག་ཀླད་པར་གཞིའི་
“ཇོ་མོ་གླང་མ”ཞེས་པའི་བོད་ཡིག་གི་ཡིག་གཟུགས་མ་ལག་ངོ་སྤྲོད་གནང་བཞིན་པ།

　　ཀྲུང་གོའི་བོད་རིག་པ་ཞིབ་འཇུག་ལྟེ་གནས་ཀྱིས་གཙོ་སྒྲུབ་གནང་ནས་གསར་དུ་བཏོད་པའི་ཀུ་ཤུ་གློག་ཀླད་པར་གཞིའི“ཇོ་མོ་གླང་མ”ཞེས་པའི་བོད་ཡིག་ཡིག་གི་གཟུགས་མ་ལག་ཉེ་ལམ་གསར་དུ་བྱུང་བ་རེད།
　　བོད་རིག་པའི་ཇོ་མོ་གླང་མའི་གླེང་སྟེགས་སྐབས་དང་པོའི་སྟེང་དུ་ཀྲུང་གོའི་བོད་རིག་པ་ཞིབ་འཇུག་ལྟེ་གནས་ཀྱི་ཞིབ་འཇུག་པ་བཀྲ་ཤིས་ཚེ་རིང་དང་ཀྲུང་གོའི་བོད་རིག་པ་དཔེ་སྐྲུན་ཁང་གི་དབུ་བཞུགས་མཛེས་རྩལ་རྩོམ་སྒྲིག་པ་ལི་ཅིན་ཞུང་གིས་ཚོགས་ཞུགས་མི་སྣ་རྣམས་ལ་བོད་ཡིག་ཆ་འཕྲིན་ལག་རྩལ་གསར་གཏོད་བྱས་པའི་གྲུབ་འབྲས་གསར་བ་མཚམས་སྦྱོར་གནང་བ་རེད། དེ་ནི་“ཇོ་མོ་གླང་མ”ཞེས་པའི་བོད་ཡིག་གི་ཡིག་གཟུགས་ཞིབ་འཇུག་སྐོར་གྱི་ཐོད་བརྒལ་གསར་བ་ཞིག་ཡིན།