བོད་ལྗོངས་ལྷ་ས་གྲོང་ཁྱེར་དུ་དབྱར་རྩྭ་དགུན་འབུ་སྔར་ལས་བྲིན་སྐྱེན་པོར་གྱུར་པ།

བོད་ལྗོངས་སུ་དབྱར་རྩྭ་དགུན་འབུ་བྲིན་ཆེ་བ།

　　ཉེ་ཆར། བོད་ལྗོངས་ལྷ་སའི་སྨན་རྩྭ་ཉོ་འཚོང་ཁྲོམ་ར་ནས་རྒྱུས་ལོན་བྱུང་བ་ལྟར་ན། གནས་སྐོར་དུས་ཚིགས་རིམ་གྱིས་བསླེབ་འོང་དང་བསྟུན་ནས། དབྱར་རྩ་དགུན་འབུ་ཉོ་འཚོང་བྱེད་ཚད་ཇེ་མང་དུ་ཕྱིན།
　　སྨན་རྩྭའི་ཚོང་ལས་གཉེར་བཞིན་པའི་ཚོང་པ་རྣམས་ཀྱིས་མཚམས་སྦྱོར་བྱས་པ་ལྟར་ན། ད་ལོའི་ཟླ་དང་པོ་ནས་བཟུང་། དབྱར་རྩྭ་དགུན་འབུའི་རིན་གོང་ཆ་སྙོམས་ཀྱིས10%ཡིས་ཇེ་མཐོར་སོང་བ་དང་། སྤྱི་རྒྱ་གཅིག་ལ་དབྱར་རྩྭ་དགུན་འབུ་རྐང1600ཡོད་པའི་ཚད་གཞིའི་རིན་གོང15%ཡིས་ཇེ་མཐོར་སོང་བ་སྟེ། མིག་སྔར་སྤྱི་རྒྱ་གཅིག་གི་རིན་གོང་དམངས་སྒོར་ཁྲི38ལ་བསླེབས་ཤིང་། ཚད་གཞི་དེ་རིགས་ཀྱི་དབྱར་རྩྭ་དགུན་འབུ་ལྷ་སའི་ཚོང་རའི་སྟེང་ད་དུང་ཉོ་དཀའ་བར་འདུག
　　དབྱར་རྩྭ་དགུན་འབུའི་རིན་གོང་ཇེ་མཐོར་སོང་བའི་རྒྱུ་རྐྱེན་གཙོ་བོ་ཞིག་ནི། ལྷ་སའི་གནས་སྐོར་དུས་ཚིགས་ལ་ཉེ་བ་དང་བསྟུན་ནས་བོད་ལྗོངས་སུ་གནས་སྐོར་བ་ཇེ་མང་དུ་སོང་བ་དང་། ཚོང་རའི་མཁོ་འདོད་ཀྱང་ཇེ་ཆེར་སོང་བས་ཡིན་པ་རེད།