སེམས་ཀྱི་ཉི་ཟླའི་ཚོང་རར་ད་ལོའི་དབྱར་རྩྭ་དགུན་འབུ་བཙོང་འགོ་བརྩམས་པ།

ད་ལོའི་དབྱར་རྩྭ་དགུན་འབུ་སེམས་ཀྱི་ཉི་ཟླའི་ཚོང་རར་བཀྲམ་པ།

　　དབྱར་རྩྭ་དགུན་འབུ་བརྐོ་བའི་དུས་ཚིགས་ལ་སླེབས་པ་དང་བསྡོངས་ནས། བོད་ལྗོངས་ཀྱི་སྨར་ཁམས་དང་། སི་ཁྲོན་གྱི་འབའ་ཐང་དང་ཕྱག་ཕྲེང་། སྡེ་རོང་།  འདབ་པ། སེམས་ཀྱི་ཉི་ཟླ་རྫོང་གི་གཏེར་མ་རོང་གྲོང་རྡལ་སོགས་ནས་བརྐོས་པའི་དབྱར་རྩྭ་དགུན་འབུ་དེ་སེམས་ཀྱི་ཉི་ཟླའི་ཚོང་རར་བཀྲམ་པ་རེད།
　　རྒྱུས་ལོན་བྱུང་བ་ལྟར་ན་ད་ལོའི་དབྱར་རྩྭ་དགུན་འབུའི་འཕེལ་ཁ་ལེགས་ཤིང་རིན་གོང་ཡང་སྔར་ལས་ཇེ་མཐོར་སོང་ཡོད་དེ། སྨན་རྩྭ་ཅུང་རགས་མོར་རྐང་གཅིག་ལ་སྒོར70ཡས་མས་དང་། ཅུང་ཆུང་ཤས་དག་རྐང་གཅིག་ལ་སྒོར40ཡས་མས་ཡིན་ལ། སྤྱི་རྒྱ་གཅིག་ལ་ཕལ་ཆེར་སྒོར་ཁྲི20ཡིན་པ་རེད།