མཚོ་ལྷོའི་མང་རྫོང་གི་མཐོ་སྒང་བྱེ་མའི་ཞོག་ཁོག་ཚོང་རར་ཐོན་ལ་ཉེ།

མཚོ་ལྷོའི་མང་རྫོང་གི་མཐོ་སྒང་བྱེ་མའི་ཞོག་ཁོག་ཚོང་རར་ཐོན་ལ་ཉེ།

　　མཚོ་ལྷོའི་མང་རྫོང་སུམ་མདོ་གྲོང་རྡལ་གྱི་ཁ་རྒྱ་སྡེ་བའི་སྐྱེ་ཁམས་ཕྱུགས་ལས་ཆེད་ལས་མཉམ་ལས་ཁང་གི་ཁྱད་ལྡན་ཐོན་རྫས་ཏེ་མཐོ་སྒང་བྱེ་མའི་ཞོག་ཁོག་ཚོང་རར་ཐོན་ལ་ཉེ། དེ་ནི་སུམ་མདོ་གྲོང་རྡལ་གྱི་འགོ་གཙོ་གཞོན་པ་ཏིང་འཛིན་ཚེ་རིང་ལགས་ཀྱི་སྣེ་ཁྲིད་འོག་ཁ་རྒྱ་སྡེ་བའི་མང་ཚོགས་ཀྱིས་ཐེངས་དུ་མར་ཚོད་ལྟ་བྱས་མཐར། མཚོ་ངོས་ལས་མཐོ་ཚད་ལ་སྨི3600ཡོད་པའི་མཐོ་སྒང་གི་བྱེ་ཐང་དུ་སྦགས་བཙོག་གི་གནོད་པ་ཅི་ཡང་ཐེབས་མེད་པའི་ལྗང་མདོག་ཟས་རིགས་དེ་རྒྱལ་ཁའི་ངང་འདེབས་འཛུགས་ཐུབ་པ་རེད།
　　རྒྱུས་ལོན་བྱུང་བ་ལྟར་ན2014ལོའི་ཟླ1པོ་ནས་བཟུང་མཚོ་ལྷོ་དང་ཟི་ལིང་གི་ཚོང་ར་ཁག་ཏུ་ཕྱིར་འཚོང་བྱེད་རྒྱུ་རེད།