ཀྲུང་གོའི་བོད་ཀྱི་ས་གདན་རྒྱལ་སྤྱིའི་འགྲེམ་ཚོགས་དང་དར་གོས་འགྲུལ་ལམ་ས་གདན་ཚོང་ཚོགས་བསྡུས།

     ཟླ8པའི་ཚེས7ཉིན་གྱི་སྔ་དྲོར། 2014ལོའི་ཀྲུང་གོའི(མཚོ་སྔོན)བོད་ཀྱི་ས་གདན་རྒྱལ་སྤྱིའི་འགྲེམ་ཚོགས་དང་དར་གོས་འགྲུལ་ལམ་ས་གདན་ཚོང་ཚོགས་དེ་མཚོ་སྔོན་རྒྱལ་སྤྱིའི་འགྲེམ་སྟོན་ལྟེ་གནས་སུ་གཟབ་རྒྱས་ངང་མགོ་བརྩམས་ཤིང་། འབྲེལ་ཡོད་འགོ་ཁྲིད་སོགས་ཐེངས་འདིའི་མཛད་སྒོར་ཞུགས།
     འགྲེམ་སྟོན་བྱ་འགུལ་སྟེང་། ཕ་ཁི་སི་ཐན་དང་། དབྱི་རན། རྒྱ་གར། བལ་བོ། ཨ་ཧྥུ་ཀ་ནི་སི་ཐན། ཐུར་ཁེ། ཐུའུ་ཁུ་མན་སི་ཐན། ཅེ་ཨར་ཅེ་སི་སི་ཐན། ཐཱ་ཅི་ཁི་སི་ཐན། ཕྱི་སོག་སོགས་རྒྱལ་ཁབ་དང་མཚོ་སྔོན་སོགས་རྒྱལ་ནང་གི་ཞིང་ལྗོངས་སོ་སོའི་ཁྱད་ཆོས་ལྡན་པའི་ས་གདན་བཀྲམ་པ་དང་། སྒོས་སུ་ཐེངས་འདིའི་འགྲེམ་སྟོན་ལ་གསར་སྐྲུན་གྱི་རྣམ་པ་ལྡན་ཏེ། ཐོག་དང་པོར་ཁྱད་ལྡན་ས་གདན་འགྲེམ་གནས་དང་། རྒྱལ་ཁབ་ཕྱི་ནང་གི་ལག་བཟོས་ཁྱད་ལྡན་ཐོན་རྫས་བརྒྱ་ལྷག་གཅིག་མཐུན་གྱིས་འགྲེམ་སྟོན། ལོ་རྒྱུས་ཀྱི་དུས་ཡུན་རིང་བའི་བོད་ཀྱི་རིག་གནས་འགྲེམ་སྟོན། ཐུན་མིན་བོད་ཀྱི་ཁྱིམ་ཆས་འགྲེམ་སྟོན་སོགས་རིག་གནས་ཀྱི་ཆ་དོད་པའི་འགྲེམ་སྟོན་གནང་།