བུད་མེད་རྩོམ་པ་པོའི་དཔེ་ཚོགས་འདོན་ཐེངས་གསུམ་པ་འགྲེམ་སྤེལ།

     སྤྱི་ཟླ7པའི་ཚེས28ཉིན། བོད་ཀྱི་དེང་རབས་བུད་མེད་རྩོམ་པ་པོའི་རྩོམ་འབྲིའི་འཕེལ་རྒྱས་ཀྱི་ཐད་ལ་གྲུབ་འབྲས་བཞག་དང་འཇོག་བཞིན་པའི་བུད་མེད་རྩོམ་པ་པོ་འཆི་མེད་དང་དཔལ་མོ་གཉིས་གཙོ་བྱས་བུད་མེད་རྩོམ་པ་པོ20ལྷག་ཀླུ་ཆུའི་སྤང་ཐང་དུ་འདུས་ཏེ་དཔེ་ཚོགས་གསར་བ་འགྲེམ་སྤེལ་གྱི་མཛད་སྒོ་བསྡུས་ཤིང་རང་མོས་ཀྱིས་བགྲོ་གླེང་སྣ་ཚོགས་བྱས།
     ཐེངས་འདིའི་དཔེ་ཚོགས་ནི་ཧོར་མོའི《རི་རྩེའི་དར》དང་། མཁའ་མོ་རྒྱལ་གྱི《ཕྱིར་ལོག་པ》 ། གཅོད་པ་འཚོའི《ལུག་རྫི་བུ་མོ》། མཚོ་ཡི《ཁང་མིག་སྒོ་མེད》། མར་བཟའ་བློ་སྒྲོལ་གྱི《སྣང་བའི་འཇིག་རྟེན》བཅས་དེབ5ཡི་ཕྲེང་བ་ཅན་དུ་གྲུབ་ཡོད།