ཨ་རིའི་ཡུན་ཏེ་ཨན་ནཱ་སློབ་ཆེན་དུ་པདྨ་ཚེ་བརྟན་གྱི་གློག་བརྙན་གཏོང་བ།

ཨ་རིའི་ཡུན་ཏེ་ཨན་ནཱ་སློབ་ཆེན་དུ་པདྨ་ཚེ་བརྟན་གྱི་གློག་བརྙན་གཏོང་བ། 

         ཉེ་ལམ། ཨ་རིའི་ཡུན་ཏེ་ཨན་ནཱ་སློབ་ཆེན་དུ་བོད་ལྗོངས་ཀྱི་རྦ་རླབས་གསར་བ་ཞེས་པ་བརྗོད་དོན་དུ་བཟུང་སྟེ་པདྨ་ཚེ་བརྟན་གྱི་གློག་བརྙན་བརྩམས་ཆོས་ཡོངས་འགྲེམ་གཏོང་བྱས་ཤིང་།  པདྨ་ཚེ་བརྟན་གདན་འདྲེན་ཞུས་པ་ལྟར་གློག་བརྙན་འགྲེམ་གཏོང་དང་འབྲེལ་འདྲིས་བྱ་འགུལ་ལ་ཞུགས། ཆེད་ལས་སོ་སོའི་ཁྱབ་ཁོངས་ནས་ཐོན་པའི་གཟིགས་མོ་བ་རྣམས་ཀྱིས་གློག་བརྙན་རང་སྟེང་ནས་གཏིང་ཟབ་ཅིང་ཞིབ་ཕྲའི་སྒོ་ནས་དབྱེ་ཞིབ་དང་གྲོས་བསྡུར་མཛད།
         པདྨ་ཚེ་བརྟན་གྱི་གློག་བརྙན་བརྩམས་ཆོས་མི་འགྱངས་པར་ཡེའེ་ལི་སློབ་ཆེན(Yale University)དང་། ཧྲིན་ལོའོ་ལུན་སི་སློབ་ཆེན(St. Lawrence University)། ཁཱང་ནེའུ་ཨར་སློབ་ཆེན(Cornell University)། ཉིག་ཡོ་སློབ་ཆེན(New York Universityཡང་ནNYU)སོགས་ཨ་རིའི་མཐོ་རིམ་སློབ་ཆེན་མང་པོ་རུ་སྐོར་བསྐྱོད་འགྲེམ་གཏོང་བྱེད་རྒྱུ་ཡིན་པ་རེད།