«དུས་རབས་གསར་པའི་ཏང་འཛུགས་སྐྲུན་དང་ཏང་གི་རྩ་འཛུགས་ལམ་ཕྱོགས།»

       རྩ་འཛུགས་ལམ་ཕྱོགས་དེ་ཏང་གི་འགོ་ཁྲིད་རྒྱུན་འཁྱོངས་བྱེད་པ་དང་། ཏང་གི་འཛུགས་སྐྲུན་ལ་ཤུགས་རྒྱག་པ། ཏང་གི་རྩ་འཛུགས་ཀྱི་ལས་ཀ་ཡག་པོར་སྒྲུབ་པ་བཅས་ཀྱི་ཐད་དུ་དོན་སྙིང་ཧ་ཅང་གལ་ཆེན་ལྡན། ད་ལྟ། དུས་རབས་གསར་པའི་ཏང་གི་རྩ་འཛུགས་ལམ་ཕྱོགས་གསལ་པོར་འདོན་དགོས་ཀྱི་ཡོད་པ་གཤམ་གསལ། དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པ་ཕྱོགས་ཡོངས་ནས་དོན་འཁྱོལ་བྱེད་པ་དང་། རྩ་འཛུགས་ཀྱི་མ་ལག་འཛུགས་སྐྲུན་བྱ་རྒྱུ་གཙོ་བོར་འཛིན་པ། བློ་དཀར་སྤྱོད་གཙང་འཁུར་ལེན་གསུམ་ལྡན་པའི་བྱང་ཚད་མཐོ་བའི་ལས་བྱེད་པ་གསོ་སྐྱོང་ཤུགས་ཆེན་བྱེད་པ། རྒྱལ་གཅེས་དང་ལེགས་སྐྱེས་འབུལ་སེམས་ལྡན་པའི་ཕྱོགས་གང་ཅིའི་ཕུལ་བྱུང་ཤེས་ལྡན་མི་སྣ་སྡུད་རུབ་ཤུགས་ཆེན་བྱེད་པ། སྤྱོད་ཡོན་གཉིས་ལྡན་དང་སྤྱོད་ལམ་གཙོ་བོར་འཛིན་ཞིང་འཇོན་ཐང་ཅན་བསྐོ་འཇོག་བྱ་རྒྱུ་རྒྱུན་འཁྱོངས་བྱེད་པ་བཅས་ཀྱི་སྒོ་ནས། ཏང་གི་ཕྱོགས་ཡོངས་ཀྱི་འགོ་ཁྲིད་རྒྱུན་འཁྱོངས་དང་དེར་ཤུགས་རྒྱག་པ་དང་། ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་རྒྱུན་འཁྱོངས་དང་འཕེལ་རྒྱས་གཏོང་ཆེད་རྩ་འཛུགས་ཀྱི་འགན་ལེན་བརྟན་པོ་འདོན་སྤྲོད་བྱེད་དགོས། དུས་རབས་གསར་པའི་ཏང་གི་རྩ་འཛུགས་ལམ་ཕྱོགས་ནི་རིགས་པའི་གཞུང་ལུགས་ཀྱི་བདག་ཉིད་ཅན་ཡིན་ལ་ལག་ལེན་གྱི་བདག་ཉིད་ཅན་ཡང་ཡིན་པ་དང་། ཏང་འཛུགས་སྐྲུན་ཐད་ཀྱི་ལས་གྲྭ་རླབས་པོ་ཆེ་གསར་པར་སྐུལ་འདེད་གཏོང་བ་དང་། ཕྱོགས་ཡོངས་ནས་ཏང་ནན་སྐྱོང་བྱེད་པ་དོན་འཁྱོལ་བྱེད་པའི་ལག་ལེན་ནང་དུ་ལག་བསྟར་དོན་འཁྱོལ་ཏན་ཏིག་ཅིག་བྱེད་དགོས།