«མིའི་རིགས་ཀྱི་ལས་དབང་གཅིག་མཐུན་ཚོགས་པ་མཉམ་དུ་འཛུགས་དགོས།»

       སྤེལ་རེས་དང་སྦྱོང་རེས་རྒྱུན་འཁྱོངས་བྱས་ཏེ་སྒོ་འབྱེད་དང་ཁོང་ཡངས་ཀྱི་འཛམ་གླིང་ཞིག་སྐྲུན་དགོས། ཟས་ཞིམ་པོ་བྲོ་རྫས་བརྒྱ་ལས་བྱུང་།ཞེས་པ་བཞིན། མིའི་རིགས་ཀྱི་ཤེས་རིག་སྣ་མང་ཅན་ནི་འཛམ་གླིང་གི་གཞི་རྩའི་ཁྱད་ཆོས་ཤིག་ཡིན་ལ། མིའི་རིགས་ཡར་ཐོན་ཡོང་བའི་འབྱུང་ཁུངས་ཀྱང་ཡིན། འཛམ་གླིང་ཐོག་རྒྱལ་ཁབ་དང་ས་ཁུལ༢༠༠ལྷག་དང་། མི་རིགས༢༥༠༠ལྷག། ཆོས་ལུགས་སྣ་མང་བཅས་ཡོད་པ་རེད། ལོ་རྒྱུས་དང་རྒྱལ་ཁབ་ཀྱི་གནས་ཚུལ་མི་འདྲ་བ་དང་། མི་རིགས་དང་གོམས་སྲོལ་མི་འདྲ་བས་ཤེས་དཔལ་མི་འདྲ་བ་སྐྱེད་སྲིང་བྱས་ཏེ་འཛམ་གླིང་ཉིད་སྔར་ལས་ཕུན་སུམ་ཚོགས་པོ་བྱུང་ཡོད། ཤེས་དཔལ་ལ་ཁྱད་ཆོས་དང་ས་ཁོངས་ཀྱི་ཁྱད་པར་ལྡན་པ་ལས་མཐོ་དམན་དང་བཟང་ངན་གྱི་དབྱེ་བ་མེད། ཤེས་དཔལ་གྱི་ཁྱད་པར་དེ་མིའི་རིགས་ཀྱི་ཤེས་དཔལ་ཡར་ཐོན་འགྲོ་བའི་སྒུལ་ཤུགས་ཆགས་འོས་པ་ལས་འཛམ་གླིང་གདོང་གཏུག་གི་འབྱུང་རྩ་ཆགས་མི་འོས།