«ཀྲུང་དབྱང་དམག་ཨུའི་རྒྱས་འཛོམས་གྲོས་ཚོགས་ཐོག་གནང་བའི་གསུང་བཤད།(གནད་བསྡུས།)»

       དམག་དོན་ཤེས་ལྡན་མི་སྣའི་མ་ལག་དཔེ་གསར་འཛུགས་དགོས། རྒྱལ་སྲུང་དང་དམག་དཔུང་དེང་རབས་ཅན་དུ་སྐུལ་འདེད་གཏོང་བའི་གནད་འགག་ནི་ཤེས་ལྡན་མི་སྣ་ལ་ཐུག་ཡོད་ཅིང་། ཤེས་ལྡན་མི་སྣ་ཇི་ཙམ་མང་ན་དེ་ཙམ་གྱིས་ཡག་པོ་ཡོད་པ་དང་། འཇོན་ཐང་ཇི་ཙམ་ཆེ་ན་དེ་ཙམ་གྱིས་ཡག་པོ་ཡོད། ཤེས་ལྡན་མི་སྣའི་འཐབ་ཇུས་ལས་གྲྭ་ལག་བསྟར་ཤུགས་ཆེན་བྱེད་དགོས་ཏེ། གནས་གསུམ་གཞི་གཅིག་གི་དམག་དོན་ཤེས་ལྡན་མི་སྣ་དཔེ་གསར་གྱི་གསོ་སྐྱོང་མ་ལག་འཛུགས་སྐྲུན་བྱེད་ཤུགས་ཆེ་རུ་གཏོང་བ་དང་། མཉམ་འབྲེལ་དམག་འཐབ་ལ་བཀོད་འདོམས་བྱེད་པའི་ཤེས་ལྡན་མི་སྣ་དང་། འཐབ་འཛིང་སྟོབས་ཤུགས་ཀྱི་ཤེས་ལྡན་མི་སྣ་དཔེ་གསར། རིམ་པ་མཐོ་བའི་ཚན་རྩལ་གསར་གཏོད་ཤེས་ལྡན་མི་སྣ། ཆུ་ཚད་མཐོ་བའི་འཐབ་ཇུས་དོ་དམ་ཤེས་ལྡན་མི་སྣ་སོགས་ཕྱོགས་གང་ཅིའི་ཤེས་ལྡན་མི་སྣའི་དཔུང་སྡེ་སྟོབས་ལྡན་དུ་འཛུགས་སྐྲུན་བྱས་ཏེ། ཤེས་ལྡན་མི་སྣ་འཛུགས་སྐྲུན་གྱི་ཆུ་ཚད་སྤྱི་ཡོངས་ནས་མཐོ་རུ་འཕར་བར་སྐུལ་འདེད་གཏོང་དགོས།