«ཀྲུང་དབྱང་དམག་ཨུའི་རྒྱས་འཛོམས་གྲོས་ཚོགས་ཐོག་གནང་བའི་གསུང་བཤད།(གནད་བསྡུས།)»

       མཉམ་འབྲེལ་དམག་འཐབ་ཀྱི་བཀོད་འདོམས་མ་ལག་འཛུགས་དགོས། བཀོད་འདོམས་མ་ལག་ནི་དམག་འཐབ་མ་ལག་གི་འགག་རྩའི་གྲུབ་ཆ་ཞིག་ཡིན་པས་རྒྱལ་སྲུང་དང་དམག་དཔུང་དེང་རབས་ཅན་ལ་སྐུལ་འདེད་གཏོང་རྒྱུར་སྣེ་ཁྲིད་ཀྱི་ནུས་པ་གལ་ཆེན་ལྡན། དམག་ཨུས་སྤྱི་ཡོངས་ནས་བཀོད་འདོམས་བྱེད་པ་དང་། འཐབ་ཁུལ་གྱིས་དམག་འཁྲུག་གི་གཙོ་འགན་འཁུར་བ། དམག་རིགས་ཀྱིས་འཛུགས་སྐྲུན་གཙོ་བོར་འཛིན་པ་བཅས་ཀྱི་སྤྱིའི་རྩ་དོན་རྒྱུན་འཁྱོངས་བྱེད་པ་དང་། མཉམ་འབྲེལ་དམག་འཐབ་གཅིག་གྱུར་གྱིས་འཆར་འགོད་དང་གཅིག་གྱུར་གྱིས་བཀོད་འདོམས་བྱེད་པའི་ཁ་ཕྱོགས་ཆེན་པོ་རྒྱུན་འཁྱོངས་བྱེད་པ། སྲ་ཞིང་བརྟན་ལ་གོ་འཕེར་བའི་མཉམ་འབྲེལ་དམག་འཐབ་བཀོད་འདོམས་སྒྲིག་གཞི་གང་མགྱོགས་བཙུགས་ཏེ། ཞི་འཐབ་གཞི་གཅིག་དང་། རྒྱུན་རྣམ་འཁོར་སྐྱོད། ཆེད་གཉེར་གཙོ་གཉེར། འཇོན་ཆེ་གོ་འཕེར་བཅས་ཀྱི་འཐབ་ཇུས་གཡུལ་འགྱེད་བཀོད་འདོམས་མ་ལག་འཛུགས་དགོས།