«སྐབས་བཅུ་དགུ་པའི་ཀྲུང་དབྱང་ཆབ་སྲིད་ཅུས་ཀྱི་ཐུན་མོང་སློབ་སྦྱོང་ཐེངས་དགུ་པའི་སྐབས་གནང་བའི་གསུང་བཤད།»

       མིས་བཟོས་རིག་ནུས་ཀྱི་ལག་རྩལ་འཕེལ་རྒྱས་དེ་ལག་རྩལ་གཞན་དག་གི་འཕེལ་རྒྱས་དང་འདྲ་བར“རལ་གྲི་སོ་གཉིས་མ”ཞིག་ཀྱང་ཡིན། ལག་རྩལ་གྱི་ངེས་གཏན་མེད་པ་དང་ཉེར་སྤྱོད་ཀྱི་རྒྱ་ཁྱབ་རང་བཞིན་གྱི་དབང་གིས་མིས་བཟོས་རིག་ནུས་ཀྱི་འཕེལ་རྒྱས་ཀྱིས་ལས་ཞུགས་གྲུབ་ཚུལ་ལ་འགྱུར་ལྡོག་གཏོང་བ་དང་། བཅའ་ཁྲིམས་དང་སྤྱི་ཚོགས་ཀྱི་མི་ཆོས་ལ་ཕོག་ཐུག་གཏོང་བ། མི་སྒེར་གྱི་གསང་དོན་ལ་བཙན་གནོད་བྱེད་པ། རྒྱལ་སྤྱིའི་ཚད་གཞིར་འགྲན་སློང་བྱེད་པ་སོགས་ཀྱི་གནད་དོན་སློང་སྲིད། དངོས་ལུགས་རིག་པ་བ་གྲགས་ཅན་ཧོ་ཅིན་གྱིས་མིས་བཟོས་རིག་ནུས་སྟོབས་ཆེར་འཕེལ་བ་ནི་མིའི་རིགས་ལ་མཚོན་ན་དོན་བཟང་ཤོས་ཤིག་ཡིན་སྲིད་ལ། དོན་རྡུགས་ཤོས་ཤིག་ཡིན་ཀྱང་སྲིད་ཅེས་བཤད་མྱོང་། ང་ཚོས་ཆུ་མ་ཡོང་གོང་ནས་རགས་རྒྱག་པ་དང་འཐབ་ཇུས་ཀྱི་བརྡར་གཅོད་ལ་ཤུགས་བརྒྱབ་ནས་མིས་བཟོས་རིག་ནུས་བདེ་འཇགས་དང་། བློས་འགེལ་ཆོག་པ། ཚོད་འཛིན་ཐུབ་པ་བཅས་ཀྱི་འགན་ལེན་བྱེད་དགོས།