«གྲོང་གསེབ་དར་རྒྱས་གཏོང་བའི་འཐབ་ཇུས་དོན་འཁྱོལ་ཡག་པོ་བྱེད་དགོས།»

       རང་རྒྱལ་འཕེལ་རྒྱས་ཀྱི་དོ་མི་མཉམ་པ་ཆེ་ཤོས་ནི་གྲོང་ཁྱེར་དང་གྲོང་གསེབ་བར་གྱི་འཕེལ་རྒྱས་དོ་མི་མཉམ་པ་དང་། གང་ལེགས་མ་བྱུང་བ་ཆེ་ཤོས་ནི་གྲོང་གསེབ་འཕེལ་རྒྱས་གང་ལེགས་མ་བྱུང་བ་དེ་རེད། ཏང་གི་ཚོགས་ཆེན་བཅོ་བརྒྱད་པ་འཚོགས་ཚུན། ང་ཚོས་བཟོ་ཞིང་བར་གྱི་འབྲེལ་བ་དང་། གྲོང་ཁྱེར་དང་གྲོང་གསེབ་བར་གྱི་འབྲེལ་བ་ལེགས་སྒྲིག་བྱ་རྒྱུའི་སེམས་ཐག་བཅད་དེ། ཐབས་རྣམ་རབ་དང་རིམ་པར་བརྟེན་ནས་བཟོ་ལས་ཀྱིས་ཞིང་ལས་ལ་དྲིན་ལན་འཇལ་བ་དང་། གྲོང་ཁྱེར་གྱིས་གྲོང་གསེབ་ལ་རོགས་སྐྱོར་བྱེད་པ་ལ་སྐུལ་འདེད་བཏང་ཡོད། ཏང་གི་ཚོགས་ཆེན་བཅུ་དགུ་པའི་ཐོག་གྲོང་གསེབ་དར་རྒྱས་གཏོང་བའི་འཐབ་ཇུས་ལག་བསྟར་བྱེད་དགོས་ལུགས་བཏོན་པ་དེ་ནི་སྤྱི་ཡོངས་དང་འཐབ་ཇུས་ཀྱི་མཐོ་ཚད་ཐོག་ནས་བཟོ་ཞིང་བར་གྱི་འབྲེལ་བ་དང་གྲོང་ཁྱེར་དང་གྲོང་གསེབ་བར་གྱི་འབྲེལ་བ་སྟངས་འཛིན་དང་ཐག་གཅོད་བྱེད་པའི་ཆེད་དུ་རེད།