དེབ་གསར། «གནའ་བོའི་ཕོ་བྲང་རྟེན་རྫས་བཤམས་མཛོད་གླིང་དུ་ཉར་བའི་བོད་ཡིག་གི་གླེང་གཞི་དང་མཇུག་བྱང་འགྱུར་མཆན»

       ཉེ་སྔོན། «གནའ་བོའི་ཕོ་བྲང་རྟེན་རྫས་བཤམས་མཛོད་གླིང་དུ་ཉར་བའི་བོད་ཡིག་གི་གླེང་གཞི་དང་མཇུག་བྱང་འགྱུར་མཆན»ཞེས་པ་སི་ཁྲོན་མི་རིགས་དཔེ་སྐྲུན་ཁང་ནས་པར་སྐྲུན་འགྲེམས་སྤེལ་བྱས།

       «གནའ་བོའི་ཕོ་བྲང་རྟེན་རྫས་བཤམས་མཛོད་གླིང་དུ་ཉར་བའི་བོད་ཡིག་གི་གླེང་གཞི་དང་མཇུག་བྱང་འགྱུར་མཆན»ནི་རྒྱལ་ཁབ་གནའ་དཔེ་ལས་ཀའི་འཆར་འགོད་རྣམ་གྲངས་དང་རྒྱལ་ཁབ་མི་རིགས་སྐད་ཡིག་ཆེད་དམིགས་དཔེ་སྐྲུན་རོགས་དངུལ་རྣམ་གྲངས། རྒྱལ་ཡོངས་གྲངས་ཉུང་མི་རིགས་གནའ་དཔེ་ལས་ཀའི“ལོ་ལྔའི་འཆར་གཞི་ཐེངས་བཅོ་ལྔ་བའི་”འཆར་འགོད་ཀྱི་གཙོ་གནད་རྣམ་གྲངས། ༢༠༢༣ལོའི་རྒྱལ་ཁབ་རིགས་ཨུ་ཡོན་ལྷན་ཁང་གི་མི་རིགས་ཞིབ་འཇུག་རོགས་དངུལ་རྣམ་གྲངས་ཡིན།

       དེབ་འདིར་གནའ་བོའི་ཕོ་བྲང་རྟེན་རྫས་བཤམས་མཛོད་གླིང་དུ་ཉར་བའི་བོད་ཡིག་གི་གླེང་གཞི་དང་མཇུག་བྱང་རྣམས་ཕྱོགས་གཅིག་ཏུ་བསྡུས་ནས་འགྱུར་མཆན་བཏབ་ཡོད་པས་རིག་གཞུང་ཞིབ་འཇུག་པའི་སྡེ་ལ་རྨང་གཞིའི་རྒྱུ་ཆ་དང་ལོ་རྒྱུས་ཀྱི་དཔྱད་གཞི་གལ་ཆེན་མཁོ་འདོན་བྱས་ཡོད། རྒྱུ་ཆ་འདི་དག་གིས་ཆིང་སྲིད་གཞུང་སྐབས་ཀྱི་དབང་སྒྱུར་པའི་འཚོ་བ་དང་མི་རིགས་ཁག་དབར་གྱི་སྤེལ་རེས་དང་འགྲོ་འོང་། མཉམ་འདྲེས་སོགས་ཀྱི་ལོ་རྒྱུས་དོན་དངོས་མཚོན་ཡོད་པས། སྐབས་དེའི་མི་རིགས་སྲིད་ཇུས་དང་ནང་བསྟན་ལོ་རྒྱུས། བོད་བརྒྱུད་ནང་བསྟན་གྱི་ཆོ་ག་དང་ཕྱག་ལེན་སོགས་ཀྱི་སྐོར་ལ་ཞིབ་འཇུག་བྱེད་པར་ཕན་ནུས་གང་ལེགས་ཐོན་ཡོད།